دانتوں کی صفائی اور چمکانے کے لیے ٹوتھ پیسٹ کا استعمال تو بہت عام ہے جو انہیں مضبوط بناتے ہیں مگر کیا آپ کو معلوم ہے کہ ٹوتھ پیسٹ دانت صاف کرنے کے علاوہ روز مرہ استعمال ہونے والی چند چیزوں کو بھی چمکانے کا کام سر انجام دیتا ہے؟
اگرچہ سننے میں تھوڑا حیران کن لگتا ہے لیکن واقعی ٹوتھ پیسٹ بہت کچھ ایسا بھی کرسکتا ہے جس کا تصور بھی کبھی آپ نے نہیں کیا ہوگا۔
آیئے جانتے ہیں کہ ٹوتھ پیسٹ سے اور مزید کون کون سی چیزیں چمکائی جا سکتی ہیں۔
1- ناخن صاف کریں
اپنے ناخنوں پر کسی پرانے ٹوتھ برش سے معمولی سا پیسٹ لگائیں اور پھر اسے صاف کرلیں۔ یہی عمل روزانہ کے حساب سے باقاعدگی کے ساتھ دہرائیں جس کی وجہ سے آپ کے ناخن بھی چمکدار اور مضبوط ہوں گے۔
2- سلور یا ڈائمنڈ انگوٹھی کی پالش
کسی پرانے ٹوتھ برش پر تھوڑا سا پیسٹ لگائیں اور پھر اسے ہیرے کی انگوٹھی کو جگمگانے کے لئے استعمال کریں۔ اچھی طرح صفائی کے بعد اسے کسی کپڑے سے صاف کردیں اور پھر کمال دیکھیں۔
3- فرنیچر پر موجود پانی کے دھبے صاف کریں
ایک اور وہ چیز جو ٹوتھ پیسٹ بہت موثر طریقے سے کرتا ہے وہ شیشے یا لکڑی کی میزوں پر ٹھنڈے یا چائے وغیرہ کے کپ رکھنے سے بن جانے والے نشانات کو مٹانا ہے، یہ نشانات خشک ہوجائیں تو انہیں صاف کرنا بہت مشکل ہوتا ہے مگر ٹوتھ پیسٹ سے یہ کام بہت آسانی سے ہوجاتا ہے۔ بس ٹوتھ پیسٹ کو لکڑی پر کسی نرم کپڑے کے ساتھ نرمی سے رگڑیں اور پھر دوسرے کپڑے سے صاف کرلیں۔
4- فرش کارپیٹ سے گندگی صاف کریں
معمولی مقدار میں ٹوتھ پیسٹ کارپٹ پر موجود داغ پر ڈالیں اور برش سے رگڑیں۔ یہ عمل آپ کے قالین پر سخت ترین داغوں کو صاف کردے گا۔
5- استری کو جگمگائیں
ٹوتھ پیسٹ کی معمولی مقدار آپ کے گھر میں رکھی استری کی نچلی پلیٹ کو جگمگا سکتی ہے۔ ٹھنڈی استری کے نچلے حصے پر ٹوتھ پیسٹ لگائیں کسی موٹے کپڑے سے اسے رگڑیں اور پھر دھو کر صاف کرلیں وہ جگمگانے لگے گی۔
Discover a variety of Tips and Totkay articles on our page, including topics like Tooth Paste Ke Deegar Istemalat and other health issues. Get detailed insights and practical tips for Tooth Paste Ke Deegar Istemalat to help you on your journey to a healthier life. Our easy-to-read content keeps you informed and empowered as you work towards a better lifestyle.