پرانے گھر توڑ کر نئے نہیں بس جاتے۔۔ ثنا جاوید اور شعیب ملک کی ایک دوسرے سے لاتعلقی ! وائرل ویڈیو نے صارفین کو ثانیہ مرزا کی یاد دلا دی

Sana Javed And Shoaib Malik Divorce Rumors

"یہ تو واضح طور پر آنے والے علیحدگی کا اشارہ ہے!"

"ثنا جاوید کے ساتھ جو کچھ ہو رہا ہے، یہ سب کرما ہے۔"

"یہ دونوں تو جیسے ایک دوسرے کی موجودگی سے ہی بے خبر ہیں، اب اصل بات کھلنے والی ہے۔"

کسی کا گھر توڑ کر اپنا بھی نہیں بسایا جاسکتا

یہ وہ تبصرے ہیں جو ایک وائرل ویڈیو دیکھ کر سوشل میڈیا صارفین نے کیے ہیں۔ اس ویڈیو میں پاکستان کی نامور اداکارہ ثنا جاوید اور کرکٹر شعیب ملک ایک تقریب میں ساتھ بیٹھے نظر آتے ہیں، مگر ان کے درمیان اجنبیت اور خاموشی نے مداحوں کو سوچنے پر مجبور کر دیا ہے۔

یاد رہے کہ جنوری 2024 میں دونوں کی اچانک شادی کی خبر نے سب کو حیران کر دیا تھا۔ اس وقت بھی ان کے سابقہ رشتوں اور طلاقوں پر سوال اٹھائے گئے تھے، لیکن ثنا اور شعیب ہمیشہ ایک جڑے ہوئے جوڑے کے طور پر سامنے آتے رہے۔

اب اس وائرل کلپ نے ایک بار پھر ان کے رشتے پر شکوک پیدا کر دیے ہیں۔ ویڈیو میں دونوں ایک دوسرے کے ساتھ موجود تو ہیں، مگر نہ بات چیت ہو رہی ہے نہ ہی کوئی گرمجوشی نظر آتی ہے، جبکہ ثنا کافی ناراض نظر آرہی ہیں جس پر مداح قیاس آرائی کر رہے ہیں کہ شاید یہ تعلق اب خطرے میں ہے۔

کچھ لوگوں کا ماننا ہے کہ ممکن ہے یہ ویڈیو کسی منصوبے کے تحت پھیلائی گئی ہو تاکہ بحث چھیڑی جا سکے، جبکہ دوسرے اسے ایک عام سا لمحہ قرار دے رہے ہیں جو کسی بھی طویل شوٹنگ کے دوران پیش آ سکتا ہے۔

تاہم، حقیقت جو بھی ہو، اس ویڈیو نے ایک بار پھر ثنا جاوید اور شعیب ملک کو میڈیا کی شہ سرخیوں اور عوامی بحث کا موضوع بنا دیا ہے، اور لوگ بے صبری سے جاننا چاہتے ہیں کہ آیا یہ جوڑا واقعی مشکلات کا شکار ہے یا یہ محض ایک سوشل میڈیا افواہ ہے۔