کیا آپ دکھانا چاہتے ہیں کہ کوئی پری آ کے بچہ رکھ گئی؟ صحیفہ جبار کی مائی ری کے بولڈ مناظر پر کڑی تنقید! بہت کچھ سنا دیا

“میں نے پورا ڈرامہ نہیں دیکھا نہ ہی دیکھنا چاہتی ہوں لیکن جو چند سینز دیکھے ہیں اسی سے اندازہ ہورہا ہے کہ یہ کس طرح کا ڈرامہ ہے۔ شروع میں لڑکا لڑکی کی نوک جھونک دکھائی جاتی ہے جو بعد میں پیار میں بدل گئی۔ یہ سب وہی چیزیں ہیں جو بالی وڈ کی فلموں میں دکھاتے تھے“

یہ کہنا ہے مشہور اداکارہ صحیفہ جبار کا جنھوں نے حال ہی میں اپنی انسٹا اسٹوری پر آج کل اے آر وائی پر آن ائیر ڈرامے “مائی ری“ پر کڑی تنقید کی ہے۔ اداکارہ نے لمبی چوڑی اسٹوری میں لکھا کہ “کم عمر لڑکا لڑکی کو ہیرو ہیروئین دکھایا جارہا ہے۔ شادی کے بعد 15 سالہ لڑکی حاملہ ہوجاتی ہے اور دکھاتے ہیں جیسے حاملہ ہونے کی خبر اس کے لئے انوکھی ہو۔ تو کیا ڈرامہ بنانے والے یہ کہنا چاہتے ہیں کہ کوئی پری آ کر بچہ رکھ کے گئی ہے؟

صحیفہ نے مزید تنقید کرتے ہوئے کہا کہ ڈرامے میں کزن میرج اور کم عمری میں شادی اور ماں باپ بننا دکھا کر آخر معاشرے کو کیا پیغام دیا جارہا ہے۔

واضح رہے ڈرامے کے ڈائیریکٹر مختلف مناظر پر ہونے والی تنقید کے جواب میں یہ بات واضح کرچکے ہیں کہ انھیں کہانی پر پورا اعتبار ہے اور بطور ڈائیریکٹر وہ ڈرامے کے انجام سے بھی واقف ہیں اس لئے تنقید کرنے والوں کو صبر سے کام لینا چاہیے۔