صباء فیصل نے شوہر کے دفتر سے جڑا ایک دلچسپ واقعہ سناتے ہوئے خواتین کو کیا مشورہ دے دیا؟

Saba Faisal Shares Husband Office Story And Give Advice To Women

اداکارہ صبا فیصل نے حال ہی میں ایف ایچ ایم کے پوڈکاسٹ میں، جسے عدنان فیصل ہوسٹ کر رہے تھے، ایک دلچسپ واقعہ شیئر کیا جس میں انہوں نے اپنے شوہر کے دفتر اور کچھ مردوں کے رویوں کے بارے میں بات کی۔

صبا فیصل نے بتایا: “میں آپ کو تقریباً 25 سال پرانا ایک واقعہ سناتی ہوں۔ میں اپنے شوہر کو لینے ان کے دفتر گئی اور ریسپشنسٹ سے کہا کہ انہیں بلا دیں۔ اس نے مجھ سے پوچھا ‘آپ کون ہیں؟’ تو میں نے جواب دیا ‘میں مسز فیصل ہوں۔’ اگلے دن میرے شوہر نے مجھ سے پوچھا کہ میں نے اس سے کیا کہا تھا کیونکہ اس نے نوکری چھوڑ دی تھی۔ میں نے کہا کہ میں نے تو صرف یہی بتایا تھا کہ میں مسز فیصل ہوں۔ اس پر میرے شوہر نے کہا کہ شاید وہ ان کے لیے یکطرفہ جذبات رکھتی تھی جس کا انہیں خود بھی اندازہ نہیں تھا۔ ایک بیوی کو اتنا مضبوط ہونا چاہیے کہ دوسری عورتیں اس کے شوہر کے قریب آنے سے پہلے سو بار سوچیں۔”

انہوں نے مزید کہا: “گھریلو خواتین کے پاس اکثر کرنے کو کچھ نہیں ہوتا، اور وہ عورتیں جو اپنے شوہروں پر اعتماد نہیں کرتیں یا جن کے شوہر اچھی کمائی کرتے ہیں، وہ ان کا پیچھا کرتی رہتی ہیں، جیسے ہم ڈراموں میں دیکھتے ہیں۔ آج کل بھی میں ایک ڈرامہ کر رہی ہوں جس میں میرا کردار اپنے شوہر پر نظر رکھنے کے لیے ڈرائیور کو اس کے پیچھے لگاتا ہے۔”

انہوں نے یہ بھی کہا: “اگر مرد کے پاس پیسہ ہو تو وہ کبھی کبھی باہر تعلقات بنانے کے بارے میں سوچ سکتے ہیں کیونکہ انہیں لگتا ہے کہ باہر والی عورت ان کا خیال رکھے گی جبکہ وہ اپنے گھر والوں کی ذمہ داری بھی نبھاتے رہیں گے۔ میرا پیغام ان خواتین کے لیے ہے جو اپنے شوہروں پر شک کرتی ہیں کہ پرسکون رہیں، کیونکہ آخر میں وہ آپ کے پاس ہی واپس آئے گا، آپ اس کے بچوں کی ماں ہیں۔ گھبرانے کی کیا ضرورت ہے؟ وہ کہیں نہیں جا رہا۔”