رنویر اور دیپیکا کی بیٹی کے لیے دادی نے بال کاٹ کر کیا نیک کام کر ڈالا؟ لوگ بھی داد دینے لگے

"میری پیاری دعا تین ماہ کی ہو گئی ہے، اور میں اس خاص دن کو محبت اور امید کے پیغام کے ساتھ منا رہی ہوں۔ جیسا کہ ہم دعا کو بڑھتے ہوئے دیکھنے کی خوشی کا جشن منا رہے ہیں، یہ دن ہمیں نیکی اور مہربانی کی طاقت کی یاد دلاتا ہے۔ میں امید کرتی ہوں کہ بال عطیہ کرنے کا میرا یہ چھوٹا سا عمل مشکل وقت سے گزرنے والے کسی شخص کی زندگی میں سکون اور اعتماد کا باعث بنے۔"

بالی ووڈ کے مشہور اداکار رنویر سنگھ اور اداکارہ دیپیکا پڈوکون کی بیٹی دعا نے 8 دسمبر کو تین ماہ کی عمر مکمل کر لی۔ اس خوشی کے موقع پر رنویر کی والدہ، انجو بھاونانی، نے ایک انوکھا قدم اٹھاتے ہوئے اپنے بال عطیہ کیے اور اسے محبت اور امید کا پیغام قرار دیا۔

انجو نے انسٹاگرام پر اپنی دو تصاویر شیئر کیں: ایک میں وہ اپنے کٹے ہوئے بال ہاتھ میں تھامے کھڑی ہیں، اور دوسری میں اپنے نئے ہیئر اسٹائل کے ساتھ خوش نظر آ رہی ہیں۔

اپنی انسٹا اسٹوری میں انجو نے لکھا، "دعا کی بڑھتی عمر کی خوشی نے ہمیں یہ یاد دلایا ہے کہ نیکی اور مہربانی دنیا کو بدل سکتی ہیں۔ میرا یہ چھوٹا سا قدم شاید کسی ضرورت مند کی زندگی میں روشنی اور اعتماد پیدا کرے۔"