یہ تو ابھی شروعات ہے۔۔ ربیکا خان کی شادی کا امبانی خاندانی سے موازنہ! دلہن کے والد بڑی بڑی ڈینگیں مارتے ہوئے وائرل

Rabeeca Khan Family Compares Her Wedding To Ambani Grand Wedding

یقین کرنا مشکل ہے کہ یہ واقعی کسی عام پاکستانی یوٹیوبر کی شادی ہے یا کسی ارب پتی کاروباری خاندان کی تقریب!

جی ہاں، بات ہو رہی ہے مشہور ٹک ٹاک اسٹار اور ویڈیو بلاگر ربیکا خان کی، جن کی شادی نے پورے سوشل میڈیا کو ہلا کر رکھ دیا ہے۔ حسین ترین کے ساتھ نکاح کے بعد ان کی شادی کی تقریبات کچھ اس شان سے ہو رہی ہیں کہ جیسے ممبئی کی رادھیکا مرچنٹ اور اننت امبانی کی جھلک پاکستان منتقل ہو گئی ہو۔

مایوں اور مہندی کی تقریبات میں ربیکا خان کے ملبوسات، زیورات اور سجاوٹ سے صاف ظاہر ہوتا ہے کہ وہ امبانی خاندان کی شادی سے خاصی متاثر نظر آئیں۔ ان کے قریبی دوست احسن اور مدیحہ نے بھی ہنستے ہنستے پوچھ لیا کہ کیا واقعی یہ دونوں ممالک کی سب سے بڑی سوشل میڈیا شادی ہے؟ جواب میں ربیکا نے ہنستے ہوئے نہ صرف لباس کی قیمت بتائی بلکہ یہ بھی کہا کہ وہ چاہتی تھیں سب کچھ یادگار ہو۔

ربیکا کے والد کاشف خان سے جب پوچھا گیا کہ کیا ان کی بیٹی کی شادی امبانی خاندان سے بھی بڑی ہوگی؟ تو انہوں نے بڑے اعتماد سے کہا، یہ تو ابھی شروعات ہے۔

بس پھر کیا تھا، انٹرنیٹ پر عوام نے آڑے ہاتھوں لینا شروع کر دیا۔

ایک صارف نے تبصرہ کیا، امبانی خاندان کونے میں بیٹھ کر آنسو بہا رہا ہوگا۔

دوسرا بولا، اگر مقابلہ کرنا ہے تو کسی عالمی گلوکار کو بھی بلا لو۔

ایک اور نے چبھتا ہوا جملہ کسا، اگر امبانیوں کی سطح پر آنا ہے تو پہلے اُن جیسا علم حاصل کرو۔

ربیکا خان کی شادی ایک طرف جہاں فیشن اور شوکت کا نمونہ بنی ہوئی ہے، وہیں دوسری طرف مذاق اور تنقید کا نشانہ بھی۔ اب سوال یہ ہے کیا یہ واقعی برصغیر کی سب سے بڑی شادی ہے؟ یا صرف ایک دکھاوا؟ فیصلہ عوام کا ہے!