اچانک کہاں غائب ہو گئیں؟ ماضی کی معروف اداکارہ صنم اقبال، جن کی اداکاری سے ناظرین بھی رو جاتے، اب کہاں ہیں؟

سوشل میڈیا پر ایسی کئی مشہور شخصیات ہیں، جو کہ ماضی میں مقبولیت کی انتہا کو چھو رہی تھیں، لیکن اچانک غائب ہوگئیں۔آج آپ کو ایک ایسی ہی مشہور اداکارہ صنم اقبال کے بارے میں بتائیں گے۔

مشہور ڈرامہ اداکارہ صنم اقبال کا شمار بھی ایسی چند اداکاراؤں میں ہوتا تھا جو کہ اخلاقی اور سماجی حدود کا خیال رکھتے ہوئے کردار میں کھو کر اداکاری کرتی تھیں۔

ان کی اداکاری کی وجہ سے ناظرین انہیں بے حد پسند کرتے تھے، لیکن نامعلوم وجوہات کی بنا پر نہ صرف اسکرین سے بلکہ خبروں سے بھی غائب ہو گئیں تھیں۔ صنم اس وقت غائب ہوئی تھیں جب ان کا کیرئیر کامیابیوں کے عروج پر تھا۔

جب کبھی صنم اقبال اداکاری کرتی دکھائی دیتیں تو سنجیدہ اداکاری کو دیکھ کر ناظرین کی آنکھوں میں بھی آنسو نکل آ جاتے تھے، ان کی جاندار اداکاری کمزور ہوتے ڈرامے میں بھی جان ڈال دیتی تھی۔

لیکن پھر 5 سال بعد ایک مارننگ شو میں اس بات کا انکشاف کیا گیا کہ صنم اقبال کا انتقال ہو گیا ہے، اس خبر کے آتے ہی سوشل میڈیا پر کئی چرچے ہوئے، انہی میں کچھ خبریں یہ بھی آئیں کہ یہ خبر غلط ہے۔

اور پھر یہ خبر بھی سامنے آ گئی کہ صنم اقبال کا انتقال نہیں ہوا ہے بلکہ وہ شادی کے بعد بیرون ملک چلی گئی ہیں۔ صنم اقبال بہت کم میڈیا انٹرویو دیتی ہیں، یہی وجہ ہے کہ انہیں سوائے اداکاری کے کسی دوسرے چینل پر نہیں دیکھا گیا۔

صنم اقبال کینیڈا میں اپنے شوہر اور بچوں کے ساتھ ایک خوش گوار زندگی گزار رہی ہیں۔ اداکارہ سے متعلق یہ خبریں بھی گردش کرتی رہی ہیں، کہ ان کو شوبز سے ہٹانے کے لیے سازش کی گئی تھی لیکن اس بات کی تصدیق نہیں ہو سکی ہے۔