بازاری کاجل لگانے سے آنکھیں خراب ہوسکتی ہیں! اجوائن سے گھر میں معیاری کاجل بنانے کا طریقہ جانیں یہ بڑھائے آپ کی آنکھوں کا حُسن اور بنائے ان کو خوبصورت

بازار سے خریدے گئے کاجل میں ڈھیروں قسم کے کیمیکل پائے جاتے ہیں جو ہماری آنکھوں کی صحت کے لیے مضر سمجھے جاتے ہیں۔ بازاری کاجل میں کوئلے کا استعمال کیا جاتا ہے جس سے بینائی کمزور ہونے کے خدشات بڑھ جاتے ہیں اور شاید یہی وجہ ہے کہ اب زیادہ تر لڑکیاں اور خواتین کی آنکھوں پر چشمہ نظر آتا ہے۔ وہ خواتین یا لڑکیاں جو آنکھوں میں لینسز لگاتی ہیں ان کے لیے یہ بازاری کاجل بالکل بھی موزوں نہیں ہے۔ کیا آپ بھی اپنی آنکھوں کی بینائی سے محبت کرتی ہیں؟ تو اب جانیں گھر میں خود معیاری چیزوں سے بہترین کاجل بنانے کا وہ طریقہ جو انہیں خوبصورت بھی بنائے اور آنکھوں کی بینائی کو بھی تیز کرے۔

گھر میں کاجل کیسے بنائیں؟

اجزاء:

اجوائن
سرسوں کا تیل
روئی
گھی

طریقہ:

٭ سب سے پہلے روئی کو ہاتھوں کی مدد سے پھیلائیں اور اس میں اجوائن رکھ کر ڈوئی یا لمبی لمبی بتیاں تیار کریں جیسے دیے جلانے کے لیے بنائی جاتی ہیں۔
٭ اب ایک مٹی کا دیا یا پیالہ رکھیں، اس کے نیچے ایک پلیٹ رکھ دیں اور پھر اس دیے میں تھوڑا سا گھی ڈالیں اور ان روئی کی بتیوں کو سرسوں کے تیل میں ڈبو کر اس پیالے میں رکھ دیں اور ماچس کی مدد سے جلائیں۔
٭ اب دیے کے اطراف میں چار گلاس رکھ دیں اور دیے کو کسی پیتل یا تانبے کی پلیٹ سے ڈھک دیں۔
٭ 10 سے 15 منٹ بعد جب روئی ممل طور پر جل جائے گی تو ساری کالک پلیٹ پر چپک جائے گی۔
٭ اب چمچ کی مدد سے پلیٹ کو کھرچ لیں۔
٭ لیجیے خالص حالت میں خالص سرمہ آپ کے پاس موجود ہے۔
٭ اب اگر آپ چاہیں تو اس میں تھوڑا سا زیتون کا تیل ٹپکا کر مکس کرلیں لیجیے معیاری کاجل گھر میں بن کر تیار ہے۔ اب آنکھوں میں لگائیں اور نظر کے ساتھ حُسن کو چار چاند لگائیں۔
ویڈیو آپ کی آسانی کے لئے موجود ہے: