گلے میں سانس اٹک گئی تھی، کلمہ پڑھا اور پھر ۔۔ بینا چوہدری کے ساتھ کیا واقعہ پیش آیا جب انہیں لگا کہ وہ دنیا سے جانے والی ہیں؟

ہر انسان کے ساتھ اس کی زندگی میں مشکلات آتی ہیں کوئی ہار مان جاتا ہے تو کوئی جم کر اس پریشانی کا مقابلہ کرتا ہے۔ انہی میں پاکستان شوبز انڈسٹری کی معروف اداکارہ بینا چوہدری بھی ہیں جنہوں نے مشکل وقت کا مقابلہ کیا۔

اداکارہ حال ہی میں نجی ٹی وی چینل کے پروگرام میں بطور مہمان شریک ہوئیں جہاں انہوں نے اپنی زندگی کا دل دہلا دینے واقعہ بیان کیا۔

بینا چوہدری نے بتایا کہ ان کی زندگی میں ایک وقت ایسا آیا جب وہ بہت بیمار رہنے لگی تھیں۔ ان پر کسی نے کالا جادو کروایا تھا جس کا اثر ان پر پانچ سال تک رہا۔

ان کا کہنا تھا کہ میں کبھی بہت بیمار پڑ جاتی تھی کبھی ٹھیک ہوجاتی تھی اور یہ سلسلہ میرے ساتھ شروع سے ہی رہتا تھا۔ اداکارہ نے بتایا کہ میرے مشکل وقت میں میری بیٹی نے میرا بہت ساتھ دیا۔ وہ راتوں کو میرے ساتھ سوئی مجھے بار بار اٹھ کر دیکھتی کہ کہیں میری طبعیت بہت خراب تو نہیں ہوگئی۔

اداکارہ نے زندگی و موت کی جنگ بھی لڑی۔ انہوں نے بتایا کہ ایک مرتبہ رات کو سب سو رہے تھے اور میرے جسم نے حرکت کرنا چھوڑ دی تھی یہاں تک میری آواز بھی نہیں نکل رہی تھی۔

بینا چوہدری کا کہنا تھا کہ میرے گلے میں سانس اٹک گئی اور مجھے لگا کہ بس اب میں دنیا سے جارہی ہوں۔ انہوں نے بتایا کہ میں مرنی والی ہوں یہ سوچ لیا تھا بس صرف میرا دماغ کام کررہا تھا۔

تب میں نے سوچا کہ اب کچھ نہیں ہوسکتا اب کلمہ پڑھ لیتی ہوں اور میں نے جیسی کلمہ پڑھا میری سانسیں بحال ہوگئیں اور میں نے خود کو پرسکون محسوس کیا۔