Vegetable Biryani Recipe in Urdu

اجزاء:
•چاول_____ 500گرام
•آلو_____ (اُبلے ہوئے) 2 عدد
•گوبی (اُبلے ہوئے) 1 عدد چھوٹی
•کھانے کا تیل_____ 3 کھانے کے چمچ
•پیاز_____ آدھ پیاز
•ثابت زیرہ_____ 1 کھانے کا چمچ
•ہری مرچ_____ 8 عدد
•ادرک لہسن کا پیسٹ_____ 1 کھانے کا چمچ
•ٹماٹر_____ 200گرام
•نمک_____ حسبِ ضرورت
•ہلدی_____ آدھ چائے کا چمچ
•لال مرچ کُٹی ہوئی_____ 1 کھانے کا چمچ
•دھنیا پاؤڈر_____ 1 کھانے کا چمچ
•لال مرچ پیسی ہوئی_____ 1 کھانے کا چمچ
•زیرہ پاؤڈر_____ 1 کھانے کا چمچ
•گرم پانی_____ آدھ کپ
•ثابت گرم مصالحہ_____ حسبِ ضرورت
•گرم مصالحہ_____ پاؤڈر حسبِ ضرورت
•پیلا رنگ_____ 1 چٹکی
•ادرک، ہری مرچ،ٹماٹر، لیموں،پودینہ، کاجو، ہرا دھنیا_____ گارنش

ایک پین میں کھانے کا تیل ڈال کر اس میں پیاز ،ثابت زیرہ اور ہری مرچ ڈال کر لائیٹ براؤن ہونے تک فرائی کریں اور اس میں ادرک لہسن کا پیسٹ ڈال کر لائیٹ براؤن کر لیں اب اس میں ٹماٹر ،نمک ،ہلدی ،لال مرچ کُٹی ہوئی ،دھنیا پاؤڈر ،لال مرچ پسی ہوئی ،زیرہ پاؤڈر اور گرم پانی ڈال کر پانچ سے سات منٹ تک بُھونائی کریں ۔
اب اس میں اُبلے ہوئے آلو اور گوبی ڈال دیں ۔
اب اس میں گارنش کے طور پر ٹماٹر، ادرک، ہری مرچ، لیموں، پودینہ، ہرا دھنیا ڈال لیں۔ سبزی مصالحہ تیار ہے۔
اب ایک برتن میں سبزی مصالحہ کی تہہ لگائیں۔
اب اس پر اُبلے ہوئے چاولوں کی تہہ لگا ئیں اور پیسا ہو اگرم مصالحہ، گارنش( ٹماٹر، ادرک، ہری مرچ، لیموں، پودینہ، کاجو،ہرا دھنیا ) ڈالیں۔
پھر سبزی مصالحہ کی تہہ لگائیں۔
پھر اس پر اُبلے ہوئے چاولوں کی تہہ لگا ئیں اور پیسا ہو اگرم مصالحہ اور گارنش( ٹماٹر، ادرک، ہری مرچ، لیموں، پودینہ، ہرا دھنیا ) ڈال لیں۔
اب اس پر پیلا رنگ پانی میں ملا کر تھوڑا سا ڈال دیں اور گرم پانی کا چھیٹا لگا کر دس سے پندرہ منٹ کے لیے دم دیں۔
آپکی مزے دار ویجیٹیبل بریانی تیار ہے۔