Lahori Fruit Chaat Recipe in Urdu

Lahori Fruit Chaat

لاہوری فروٹ چاٹ

اجزاء:
رمضان المبارک میں افطار کے موقع پر ہر گھر میں فروٹ چاٹ ضرور بنتی ہے، کہیں اس کا خاصا اہتمام ہوتا ہے اور کہیں کسی بھی پھل کو سادگی سے کاٹ کر رکھ لیا جاتا ہے ، ہر ایک اپنی سہولت اور جیب کے مطابق اپنے دستر خوان کو سجاتا ہے۔ اپنے دسترخوان کو سجاتے ہوئے ان لوگوں کو ضرور یاد رکھیں جن کے ہاں یہ اہتمام نہیں ہوپاتا، یا وہ اس طرح کر نہیں سکتے ان کے لئے بھی کچھ نہ کچھ ضرور کریں تاکہ رمضان کی برکتوں سے وہ لوگ بھی لطف اندوز ہو سکیں۔ کیونکہ جو لوگ اللہ کے بندوں سے پیار کرتے ہیں ،اللہ اپنے ان بندوں سے ضرور پیار کرتا ہے۔ یہاں ہم آپ کے لئے لاہور کی اسٹریت اسٹائل فروٹ چاٹ لے کر آئے ہی آپ خود بھی کھائیں اور اپنے پیاروں کو بھی کھلائیں۔

لاہوری فروٹ چاٹ
خربوزے ایک پیالی
کیلے 2 سے 3 عدد
سیب ایک پیالی
انگور ایک پیالی
امرود ایک پیالی
آڑو ایک پیالی
اسٹرابیری ایک پیالی
کھجور 4 سے 5 عدد
کریم 3 سے 4 کھانے کے چمچ
املی کی چٹنی آدھی پیالی
چاٹ مصالحہ حسب ذائقہ
کشمش، بادام، پستہ گارنشنگ کے لئے

املی کی چٹنی
املی کا گودا ایک پیالی
شکر یا گڑ ایک پیالی
نمک آدھا چائے کا چمچ
مرچ آدھا چائے کا چمچ
بھنا پسا زیرہ ایک چائے کا چمچ
سونٹھ پاؤڈر آدھا چائے کا چمچ
چٹنی۔۔۔
املی کا گودا اور تمام اجزاء ملا کر پکالیں ،جب گاڑھا ہو جائے تو چولہے سے اتار لیں ،چٹ پٹی املی کی چٹنی تیار ہے۔
فروٹ چاٹ۔۔۔
تمام پھلوں کو دھو کر کاٹ لیں۔ انگور بھی درمیان میں سے کاٹ کر دو ٹکڑے کر لیں۔ امرود کو کاٹ کراس کے بیج نکال دیں۔ کھجور بھی کاٹ کر اس کی گٹھلی نکال دیں۔ اب ان تمام پھلوں کو ملا لیں ،ان میں کریم ڈال دیں، اب املی کی چٹنی ڈال دیں، اس کے بعد اسمیں چاٹ مصالحہ ڈال کر اس کو خوب اچھی طرح مکس کر لیں، اسمیں کوئی نمک مرچ الگ سے نہیں ڈالا جائے گا ۔ اوپر سے ڈرائی فروٹ سے گارنش کریں ۔مزیدار فروٹ چاٹ تیار ہے۔ پھل اپنی مرضی سے کوئی بھی لے سکتے ہیں۔
ٹپ
اگر آپ پھل پہلے سے کاٹ کر رکھ رہی ہیں تو ان کو کالا ہونے سے بچانے کے لئے اس میں ایک لیموں نچوڑ دیں ،اور مکس کر دیں۔۔پھل کالے نہیں ہوں گے۔

Posted By: Afshan, Karachi

Find out the Lahori Fruit Chaat Recipe in Urdu this is the most easy and traditional cooking recipe in all the Iftar Items. Lahori Fruit Chaat is very famous in desi people. At KFoods you can find Lahori Fruit Chaat and all the urdu recipes in a very easiest way.

Lahori Fruit Chaat

Lahori Fruit Chaat in Urdu is an easy and traditional cooking recipe to prepare at home. It provides you an awesome taste of Iftar Items.

مزید افطاری آئیٹم ریسیپیز

Reviews & Comments

Leave Comment