Thyroid Ko Control Karne Ka Tarika

زمانے کے ساتھ بیماریاں بھی بڑھ گئی ہیں اور اتنی خطرناک ہوتی جارہی ہیں کہ ہلکا سا بخار ہو یا سر درد اگر سنجیدہ نہ لیا جائے تو کچھ کا کچھ بنتا ہے۔
ایسے ہی آج کل خواتین میں تھائیرائیڈ کی بیماری بڑھ گئی ہے جس کی علامات و علاج بروقت نہ ہو تو بانجھ پن کی گونجھ زندگی بھر کانوں میں سنائی دینے لگتی ہے جو یقیناً تکلیف دہ ہے۔

تھائیرائیڈ آخر ہے کیا۔۔۔۔۔؟
ہمارے گلے میں تھائیرائیڈ گلینڈز ہوتے ہیں جو ایسے مخصوص قسم کے ہارمون تیار کرتے ہیں جو غذا سے حاصل ہونے والی توانائی کو جسم میں دیگر کاموں میں مصروف رکھنے کا کام کرتے ہیں۔ اس کا خارج کردہ ہارمون جسم کے تمام خلیوں کو توانائی دینے میں مدد دیتا ہے۔ہمارا جسم آئیوڈین کے ذریعے تھائیرائیڈ ہارمون بناتے ہیں اور اگر آئیوڈین کی کمی ہوجائے تو تھائیرائیڈ گلینڈ میں سوزش آجاتی ہے۔

تھائیرائیڈ کی علامات:
• اس کی سب سے عام علامت یہ ہے کہ گلے میں سوجن ہونے لگتی ہے اور وہ باقاعدہ الگ سے دکھنے لگتی ہے یہ سب سے عام علامت ہے مگر اس کی فوری تشخیص نہیں ہو پاتی ہے۔
• وزن تیزی سے بڑھنے لگتا ہے۔
• سانس لینے میں تکلیف ہونے لگتی ہے اور متواتر یہ تکلیف بڑھتی رہتی ہے۔
• خواتین میں حمل کےمسائل ہوجاتے ہیں اور بعض مرتبہ اس سے بانجھ پن بھی ہو جاتا ہے۔
• سردی زیادہ لگنے لگتی ہے۔
• مسلز میں تکلیف مستقل ہونے لگتی ہے۔
• تھائی رائیڈ کے مرض سے آنکھیں موٹی ہوجاتی ہیں۔
• آئیوڈین کی کمی کی وجہ سے ہمارے ہاتھ ٹھنڈے رہنے لگتے ہیں۔
• نوعمر بچیوں کا قد نہ بڑھنا بھی اس کی ایک خاموش علامت ہے۔
• آواز بدلتی ہوئی اور گونجتی ہوئی محسوس ہونے لگتی ہے۔

تھائیرائیڈ کی وجوہات:
• اس کی عام وجہ تو جسم میں آئیوڈین کی کمی ہے۔
• ڈپریشن اور ذہنی تناؤ بھی اس مرض کو بڑھاتے ہیں۔
• شوگر، بلڈ پریشر کی بیماری بھی اس کی وجہ بنتی ہے۔

گھریلو نسخہ:
• آدھے کپ پانی میں دارچینی ، 2عدد چھوٹی الائچی، آدھا چمچ سونف اور تھوڑی سی ادرک کا ٹکڑا لے کر اچھی طرح ابالیں۔ جب پانی ایک کپ رہ جائےتو نیم گرم ہونے پر پی لیں۔ یہ اس مرض میں ایک اہم نسخہ سمجھا جاتا ہے۔