Shehd Se Bleach Karne Ka Tarika

شہد سے بلیچ کرنے کا سب سے سستا طریقہ جانیں اور گھر بیٹھے وائٹننگ فیشل کریں وہ بھی 20 منٹ میں!
لڑکیاں ہر ہفتے چہرے پر بلیچ کرتی ہیں تاکہ نہ تو اضافی بال نظر آئیں اور نہ ہی ان کے چہرے کی رنگت کم نظر آئے، بنیادی طور پر کم وقت اور کم محنت میں زیادہ اچھا رزلٹ مل جائے لیکن بازاری بلیچ میں اس قدر کیمیکل موجود ہوتا ہے جو کہ آپ کی جلد کو اندورنی طور پر بلکل بے رونق کر دیتا ہے بس وقتی طور پر چہرے کی رنگت کو جگمگا دیتا ہے۔
لیکن اگر قدرتی اجزاء سے بلیچ کیا جائے تو رزلٹ بھی مناسب مل جاتا ہے اور کوئی نقصان بھی نہیں ہوتا۔
آج کے-فوڈ آپ کے لئے بلیچ کی ایسی اسپیشل ٹپ لے کر آیا ہے جو سستے پیسوں میں مہنگا رزلٹ دے سکتا ہے۔

ٹپ:
٭ ایک چمچ شہد اور ایک چمچ میٹھا سوڈا اچھی طرح چمچ کی مدد سے مکس کریں۔
٭ اس کے بعد ایک لیموں کا رس اور دو چمچ گلاب کا عرق مکس کرلیں۔
٭ آپ کا بلیچ تیار ہو گیا ہے۔
٭ اس کو چہرے پر 20 منٹ کے لئے لگائیں اور پانی سے منہ دھو لیں۔
٭ روزانہ بھی اس بلیچ کو چہرے پر لگا سکتی ہیں اس سے کوئی نقصان نہیں ہوگا۔

فائدہ:
٭ شہد میں شامل سیروٹونین اور اینٹی آکسیڈنٹس بلیچنگ ایجنٹ کا کام کرتے ہیں جبکہ لیموں اور میٹھا سوڈا میگنیشیئم اور سوڈیئم کے خواص رکھتے ہیں جو سیروٹونین کے ساتھ مل کر جلد کی رونق کو بحال کرنے کا کام کرتے ہیں اور ڈیڈ سیلز کو ختم کرنے کا کام کرتے ہیں۔