Lakri Se Bana Furniture Chamkane Ka Tarika

فرنیچر چمکانے کا آسان طریقہ

لکڑی سے بنا فرنیچر کچھ عرصے بعد اپنی چمک کھو دیتا ہے۔فرنیچر کو چمکتا دمکتا رکھنے کے لیے اسے ہر تھوڑے عرصے بعد پالش کرنے کی ضرورت پڑتی ہے۔
بازار میں دستیاب پالش خاصی مہنگی ہوتی ہیں لہذا فرنیچر کو چمکانے کے لیے گھر میں موجود اشیاء سے مدد لی جاسکتی ہے۔

ایک کپ بے بی آئل میں آدھ کپ لیموں کا رس شامل کرکے اچھی طرح مکس کریں۔
پھر ایک نرم کپڑے کی مدد سے اس محلول کو فرنیچر، لکڑی سے بنے کھڑکی دروازوں پر مل لیں، پھر گیلے کپڑے کی مدد سے سارا گردوغبار صاف کرلیں۔
آخر میں ایک صاف کپڑے کو ناریل کے تیل میں ہلکا سا ڈبو کر ہلکے ہاتھ سے فرنیچر پر ملیں، اس سے لکڑی میں چمک پیدا ہو جائے گی۔