Kitchen Cabinet Aur Chulha Saaf Karne ka Tarika

رمضان آ رہے ہیں اور کچن کے کیبنٹ اور چولہے گندے پڑے ہیں۔۔۔۔ تو پریشان نہ ہوں ہماری بتائی ہوئی چند آسان سی ٹپس آزمائیں اور کیبنٹ چولہا چمکائیں
رمضان کی آمد آمد ہے اور خواتین کے لئے کچن کی صفائی کا ٹاسک سب سے مشکل کام ہے، مگر اب یہ ٹاسک مشکل نہیں رہا، کیونکہ ہمیشہ کی طرح اس بار بھی کے فوڈز آپ کی اس مشکل کو آسان کرنے کا طریقہ ڈھونڈ لایا ہے۔
عام دنوں میں خواتین کھانا پکانے میں اتنی مصروف رہتی ہیں کہ انہیں کچن کی صفائی کا وقت ہی نہیں ملتا لیکن جب بات ہو رمضان کی آمد کی تو پھر خواتین کو ہر صورت وقت نکال کر کچن کے کیبنٹ اور چولہے وغیرہ صاف کرنے ہوتے ہیں۔
تو آج ہم آپ کو ایسی آسان ٹپ بتانے جا رہے ہیں جس کے زریعے آپ بہت آسانی سے کچن کے کیبنٹ اور چولہے کی ضدی چکنائی صاف کر سکیں گی۔

کچن کے کیبنٹ اور چولہا صاف کرنے کی ٹپ:
آپ بھی اس رمضان سے پہلے اپنا کچن صاف کریں لیکن صِرف کے فوڈز کے بتائے گئے طریقے سے اور کریں اپنے کچن کی صفائی درج ذیل طریقے سے۔
• چولہے اور کیبنٹ کو سب سے پہلے گیلے کپڑے سے صاف کر لیں۔
• اب ایک بالٹی میں نیم گرم پانی لیں اور اس پانی میں واشنگ پاؤڈر کے ساتھ ساتھ سفید سرکہ شامل کر کے مکس کریں اور محلول بنا لیں۔
• اب ایک گیلے کپڑے میں براہِ راست تھوڑا سا میٹھا سوڈا (کھانے کا سوڈا) ڈالیں اور اس سے کیبنٹ اور چولہے کو اچھی طرح رگڑ کر صاف کریں، اس سے داغ چکنائی اُبھر جائے گی۔
• اب ایک تولیہ کا چکور پیس لیں اور اس کو بالٹی والے محلول میں بھگو کر کیبنٹ اور چولہے کو اچھی طرح صاف کر لیں۔

• سب سے آخر میں پانی سے دھو لیں، پانی سے دھونے سے مراد ہر گز یہ نہیں کہ سیدھا پانی ہی ڈال دیں، ایک صاف سوکھے ہوئے کپڑے سے پہلے سارا واشنگ پاؤڈر والا محلول صاف کریں اس کے بعد ایک صاف گیلے کپڑے کی مدد سے سارے کیبنٹ اور چولہے صاف کر لیں۔
• تو لیں بس ہو گئے کیبنٹ اور چولہا صاف آسان طریقے سے۔