Kapray Chamkane Ka Tarika

چمکدار کپڑے دھونے ہیں اور پیسے بھی بچانے ہیں تو آج ہی گھر میں خود ڈٹرجنٹ پاؤڈر بنائیں اور کپڑوں کو چمکدار بنائیں
ہم اپنے کاموں کا آسان بنانے اور وقت کی کمی کی وجہ سے ہم بہر چیز بازار سے خریدنے لگے ہیں اور چاہے وہ چیز مہنگی ہی کیوں نہ ہو ہم اپنی آسانی سے لئے پیسوں کی قربانی دے دیتے ہیں، لیکن اب وقت بدل رہا ہے اور مہنگائی اتنی ہے کہ ہمیں اپنے خرچوں کو ہر صورت کم کرنا ہوگا تاکہ مستقبل کے لئے بھی کچھ کیا جا سکے۔
اس ہی لئے آج ہم آپ کے لئے ایک ایسی ٹپ لائے ہیں جس سے آپ گھر میں بازار جیسا مہنگا ڈٹرجنٹ پاؤڈر بنا سکتے ہیں اور اس سے کپڑے بھی ہو جائیں گے ایک دم چمکدار وہ بھی کم سے کم خرچے میں، تو چلیں پھر اس ڈٹرجنٹ پاؤڈر کو بنانے کا طریقہ جان لیتے ہیں۔

گھر میں بازار جیسا ڈٹرجنٹ بنانے کا طریقہ
• 45 گرام واشنگ سوڈا لیں۔
• 45 گرام صابن لیں۔
• ڈھائی لیٹر پانی لیں۔
• اب ایک پڑا پیالہ لیں، جسے چولہے پر گرم کیا جا سکتا ہو اور اسے چولہے پر رکھ دیں۔
• اب اس پیالے میں ڈھائی لیٹر پانی ڈال کر اسے اُبلنے تک پکائیں۔
• اب اُبلتے پانی میں 45 گرام صابن کو میش کر کے ڈالیں اور اتنا پکائیں کہ یہ گھل جائے۔
• پھر اس میں 45 گرام واشنگ سوڈا ڈال کر چلائیں جب تک کہ یہ بھی اچھی طرح گھُل نہ جائے۔
• اب چولہا بند کر دیں اور اس مکسچر کو 12 گھنٹوں کے لئے یوں ہی چھوڑ دیں۔
• 12 گھنٹوں بعد جب یہ مکسچر گاڑھا ہو جائے تو اسے کسی صاف بوتل میں بھر لیں اور جب بھی کپڑے دھوئیں اس ڈٹرجنٹ کا استعمال کریں آپ اس ڈٹرجنٹ کو کم سے کم بھی 40 بار استعمال کر سکیں گے اور کپڑے با آسانی صاف ہو جائیں گے۔
• تو بس پھر پیسے بچائیں اور گھر میں کپڑے دھونے والا بہترین ڈٹرجنٹ بنائیں۔