کینسر میں بھی ساتھ نہیں چھوڑا۔۔ حنا خان اور راکی جیسوال نے شادی کر لی! اداکارہ نے تصویریں شیئر کر دی

Hina Khan Got Married With Her Boyfriend Rocky Jaiswal

حنا خان اور راکی جیسوال شادی کے بندھن میں بندھ گئے۔ شوبز کی مشہور اور ہر دل عزیز اداکارہ حناخان، جنہوں نے یہ رشتہ کیا کہلاتا ہے، بگ باس اور خطروں کے کھلاڑی جیسے سپر ہٹ شوز سے شہرت کی بلندیوں کو چھوا، آج ایک نئی زندگی کے سفر پر روانہ ہو گئی ہیں۔

حنا نے اپنے دیرینہ ساتھی راکی جیسوال سے نکاح کر لیا ہے۔ 13 سال کے اس خوبصورت رشتے نے آج محبت، وفا اور بھروسے کی مثال قائم کر دی۔ راکی نہ صرف حنا کے ہمسفر رہے، بلکہ ان کے مشکل وقت، یعنی بریسٹ کینسر کے سفر میں بھی ان کا سہارا بنے رہے۔

آج دونوں نے ایک سِول نکاح کے ذریعے اپنی محبت کو قانونی اور روحانی طور پر ہمیشہ کے لیے جوڑ دیا۔ شادی کی تصاویر حنا نے خود اپنے انسٹاگرام پر شیئر کیں، جنہیں دیکھ کر مداح خوشی سے نہال ہو گئے۔

حنا نے دل کو چھو لینے والے الفاظ میں لکھا؛

"دو الگ دنیاؤں سے نکل کر، ہم نے ایک نئی کائنات بسائی۔ فرق مِٹ گئے، دل ایک ہو گئے، اور ایک ایسا بندھن وجود میں آیا جو عمروں تک قائم رہے گا۔ ہم ایک دوسرے کا گھر، روشنی اور امید ہیں۔ آج ہم نے اپنی محبت کو قانون اور دعا سے باندھ لیا ہے۔ دعاؤں میں یاد رکھیں۔"

مداحوں کی جانب سے مبارکبادوں اور دعاؤں کا تانتا بندھ چکا ہے۔ حنا اور راکی کی یہ نئی شروعات ان کے لیے خوشیوں بھرا سفر ثابت ہو—آمین۔