Beauty Tips with Carrots

حسن کی نگہداشت اور گاجر کی اہمیت
گاجر ہر جگہ باآسانی مل جاتی ہے قدرت نے اس سبزی میں بیش بہا فوائد جمع کر رکھے ہیں لیکن ہم میں سے اکثر لوگ ان سے قطعی بے خبر ہونے کی وجہ سے اس کے فوائد سے پوری طرح فائدہ نہیں اُٹھاتے بلکہ کچھ لوگ تو گاجر کے سالن کا نام سنتے ہی منہ بگاڑنے لگتے ہیں ۔

ماہرین کے مطابق گاجر میں رنگت میں نکھار پیدا کرنے اور جلد کو نئی دلکشی دینے کی خاصیت بدرجہ انم موجود ہے ۔ یہ خون صاف کرنے اور جلد کو سرخی مائل کرنے میں بہت اہم کردار ادا کرتی ہے ۔ لہذا اپنی رنگت نکھارنے اور دلکشی میں اضافے کے خواہش مند خواتین کویہ سبزی کثرت سے استعمال کرنی چاہیے خصوصا اسے بھاپ یا پانی میں ملا کر استعمال کیا جائے تو جلد میں حیران کن حد تک دلکشی اور جاذب نظری پیدا ہوجاتی ہے اور ا س کے مقابلے میں قیمتی سے قیمتی کریمیں بھی ایسا جادو اثر نہیں دکھا سکتی ۔ آج کل بازار میں چائنیز گاجرین دستیاب ہیں جنہیں اُبال کر استعمال میں لایا جا تا ہے ۔ گرمیوں میں خواتین چائنیز کھانے زیادہ بناتی ہیں ان کھانوں میں گاجر کا استعمال کثرت سے کیا جاتا ہے ورنہ کھانے کا سواد ادھورا ہی رہ جاتا ہے ۔