بیری کے پتے اور ان کا استعمال ۔۔ خوبصورتی میں اضافے کے وہ فوائد جو آپ نہیں جانتے

بیر کو سیب کے خاندان کی ایک قسم کہا جاتا ہے جس کے فوائد سیب سے کم نہیں لیکن یہ سیب کی بنسبت قیمت میں سستا ہوتا ہے جہاں بیری ڈھیروں فوائد سے بھرپور پھل ہے وہیں اس کے درخت پر اُگنے والے پتے بھی قدرت کی طرف سے انسان کے لئے کسی تحفے سے کم نہیں۔ آج ہم آپ کو بتانے والے ہیں کہ کس طرح بیری کے پتوں کے استعمال سے آپ اپنی خوبصورتی میں اضافہ کر سکتے ہیں تاکہ آپ بھی کریں بیری کے پتوں کا استعمال اور کریں اپنی خوبصورتی میں اضافہ وہ بھی کم سے کم خرچہ کئے۔

خوبصورتی میں اضافے کے لئے بیری کے پتوں کا استعمال

بیری کے پتے کس قدر اہمیت رکھتے ہیں اس کا اندازہ اس بات سے لگایا جا سکتا ہے کہ اکثر شیمپو وغیرہ کی کمپنیاں یہ دعویٰ کرتی ہیں کہ ان کے پراڈکٹ میں بیری کے بیری کا تیل موجود ہے جو بالوں کو گھنا، مضبوط اور لمبا بناتا ہے۔
بیری کے پتوں میں جراثیم کش خصوصیات موجود ہوتی ہے یہی وجہ ہے کہ اکثر گھر کے بڑے بوڑھے جلد کی بیماری میں بیری کے پتوں کو اُبال کر اس کے پانی سے غسل کرنے کا مشورہ دیتے ہیں۔
اگر بیری کے پتوں کو پیس کر سر پر اس کا پیسٹ لگایا جائے تو اس سے بال گھنے، لمبے چمکدار اور نرم و ملائم ہو جاتے ہیں اگر 40 دنوں تک روزانہ بیری کے پتے پیس کر بالوں میں لگائے جائیں اور 20 سے 30 منٹ لگانے کے بعد اسے سادے پانی سے دھو لیں تو بال بہت تیزی سے لمبے ہوں گے۔
یہی نہیں بلکہ ایسا کرنے سے 40 دنوں کے دوران واضح طور پر لمبے اور سلکی ہو جائیں گے بے جان اور روکھے بالوں کا خاتمہ ہو گا اور بال سیاہ بھی ہو جائیں گے، اس کے علاوہ اگر بیری کے پتوں کو پیس کر اس کو دہی میں یا ایلوویرا جیل میں ملا کر چہرے پر لگایا جائے تو داغ دھبے دانے دور ہوں گے جلد شفاف ہو گی اور چہرے پر شادابی آئے گی۔

By Shakir    |    In Beauty and Skin Care   |    0 Comments    |    6140 Views    |    07 Jul 2022

Related Articles

Comments/Ask Question

Read Blog about بیری کے پتے اور ان کا استعمال ۔۔ خوبصورتی میں اضافے کے وہ فوائد جو آپ نہیں جانتے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بیری کے پتے اور ان کا استعمال ۔۔ خوبصورتی میں اضافے کے وہ فوائد جو آپ نہیں جانتے) and how to utilize other natural ingredients to cure diseases, easy recipes, and other information related to food from KFoods.