Sweet and Savory Waffle Recipe in Urdu

اجزاء:
میدہ------------------ دو پیالی
نمک---------- چٹکی بھر
بیکنگ پاﺅڈر----------- دو چائے کے چمچے
انڈے------------ تین عدد
چینی---------- آدھی پیالی
دودھ--------- تین چوتھائی پیالی
مکس فروٹ----------- ایک پیالی
فریش کریم ، آئسکریم-------- حسبِ پسند
بیسن-------- ایک پیالی
ہرا مصالحہ----------- حسبِ پسند
مارجرین یا مکھن---------- دو کھانے کے چمچ
کوکنگ آئل--------------- حسبِ ضرورت

یو ں تو وافلز بنانے کے لئے ایک مخصوص وافل میکر استعمال کیا جاتا ہے۔لیکن دی گئی ترکیب سے اجزاءکو ملا کر اسے فرائینگ پین میں بھی بنایا جاسکتا ہے۔
بڑے پیالے میں میدے کو چھان کر اس میں نمک، بیکنگ پاﺅڈر اور انڈے کی زردیان ڈال کر اچھی طرح ملائیں۔
انڈے کی سفیدیوں کو میدے میں مکسچر میں ڈال کر ملا لیں اور اس میں سے آدھا مکسچر علیحدہ کرلیں۔
مکسچر کے ایک حصے میں چینی ڈال کر ملا لیں اور دوسرے حصے میں بیسن اور باریک چوپ کیا ہوا ہرا مصالحہ ہری مرچیں ، ہرا دھنیا اور پودینہ ڈال کر ملا لیں۔
وافل میکر کو ایک سے دو منٹ درمیانی آنچ پر گرم کریں اس میں برش کی مدد سے ڈالڈا کوکنگ آئل لگائیں اور تیار کئے ہوئے مکسچر کو پھیلا کر ڈال دیں اور وافل میکر کو اچھی طرح بند کردیں۔
ایک سے دو منٹ بعد سنہرا ہونے پر نکال لیں اور لپیٹ کر کون کی شکل میں لمبے گلاس میں رکھ دیں۔
پھر وافل کے نمکین والے مکسچر سے اسی طرح سے وافل بنالیں۔
میٹھے وافل کون میں چھوٹے ٹکڑوں میں کٹا ہوا مکس فروٹ بھر دیں اور اوپر سے فریش کریم یا آئسکریم ڈال دیں اور نمکین وافل کو چٹنی یا آلودگی بھجیا کے ساتھ برنچ مین پیش کریں۔