Brownie Flan Recipe in Urdu

اجزاء:
بیس کے اجزائ:
مکھن ۔۔۔۔۔۔۔۔۔۔۔۔۔۔۔۔ چار اونس
کاسٹر شوگر ۔۔۔۔۔۔۔۔۔۔۔۔۔۔۔ دو اونس
میدہ ۔۔۔۔۔۔۔۔۔۔۔۔۔۔۔۔۔ آٹھ اونس
انڈے کی زردی ۔۔۔۔۔۔۔۔۔۔۔ ایک عدد
ٹھنڈا پانی ۔۔۔۔۔۔۔۔۔۔۔۔۔۔۔ حسبِ ضرورت

براونی کے اجزائ:
مکھن ۔۔۔۔۔۔۔۔۔۔۔۔۔۔۔۔۔۔۔ چھ اونس
چاکلیٹ ۔۔۔۔۔۔۔۔۔۔۔۔۔۔۔۔۔۔ 200گرام
انڈے ۔۔۔۔۔۔۔۔۔۔۔۔۔۔۔۔۔۔۔ تین عدد
ونیلا ۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچہ
میدہ ۔۔۔۔۔۔۔۔۔۔۔۔۔۔۔۔۔۔۔ ایک کپ
چاکلیٹ چپس ۔۔۔۔۔۔۔۔۔۔۔۔۔۔۔۔ ایک کپ
چینی ۔۔۔۔۔۔۔۔۔۔۔۔۔۔۔۔۔۔۔ ایک کپ

بیس بنانے کے لئے پہلے چار اونس مکھن اور دو اونس کاسٹر شوگر کو بیٹ کرلیں ۔اب اس میں آٹھ اونس میدہ ڈال کر مکس کریں کہ وہ کرمز کی شکل میں آجائے۔پھر ٹھنڈے پانی کی مدد سے اسے گوندھیں کہ وہ ڈو کی شکل میں آجائے۔اب اسے آٹھ انچ کی پائی پلیٹ میں پھیلا کر کانٹے سے نشان لگا کر پہلے سے گرم اوون میں180cپر بیک کریں ۔براونی بنانے کے لئے ایک سوس پین میں 200گرام چاکلیٹ ،چھ اونس مکھن ڈال کرپکائیں کہ مکھن اور چاکلیٹ پگھل جائیں ۔اب اسے ایک پیالے میں ڈال کر ایک کپ چینی ڈال کر مکس کریں ۔پھر اس میں ایک ایک کر کے تین انڈے شامل کریں اور بیٹ کرلیں ۔پھر اس کے بعد ایک چائے کا چمچہ ونیلا ایسنس ،نمک اور ایک کپ میدہ ایک ساتھ فولڈ کر کے ایک کپ چاکلیٹ چپس ملادیں ۔اب مکسچر کو بیس کے اوپر فولڈ کریں اور چاکلیٹ چپس چھڑک دیں ۔اس کے بعد پہلے سے گرم اوون میں چالیس منٹ کے لئے سیٹ کرلیں ۔آخر میں ٹھنڈٓ کر کے اوپر سے آئیسنگ شوگر ڈسٹ کریں ۔پھر اسے کاٹ کر سرو کریں ۔