Reshedar Kabab Recipe in Urdu

اجزاء:
بڑے گوشت کے کباب اتنے مزیدار لگتے ہیں کہ بار بار کھانے کا دل چاہتا ہے۔ بازار میں سستے ملنے والے کباب بڑے گوشت کے نہیں بلکہ مرغی کے گوشت کے ہوتے ہیں۔ اسی وجہ سے ان میں دال زیادہ ڈالی جاتی ہے جس سے گوشت کا ذائقہ بھی محسوس نہیں ہوتا۔ اگر آپ بھی بازاری سستے کباب کھاتے ہیں تو ان کو چھوڑیے اور بنائیں شگفتہ اعجاز کی بتائی گئی کباب کی زبردست سی ریسیپی ۔

اجزاء:
گائے کا گوشت آدھا پاؤ
ایک کپ چنے کی دال
انڈے 4
کالی مرچ پاؤڈر
لال مرچ پاؤڈر
ہلدی 1 چوتھائی چمچ
لونگ پسی ہوئی آدھا چمچ
زیرہ 1 چمچ باریک پسا ہوا
ٹماٹر 2 سے 3
پیاز آدھی کٹی ہوئی
املی کا پیسٹ آدھا چمچ

٭ شامی کباب کو بنانے کے لئے کوشش کریں کہ اس کو سل بٹے پر پیس کر ہی بنائیں ، اس طرح ان کا ذائقہ دوبالا ہو جاتا ہے۔
٭ چنے کی دال کو گرم پانی میں 1 گھنٹے کے لئے بھگو دیں اور پھر اس کو پریشر ککر میں پکائیں تاکہ یہ اچھی طرح گل جائے اور سل بٹے پر آسانی سے پیس لیں۔
٭ دال کو جب ابال لیں تو اس کو فوری پیس لیں، اس میں ہوا نہ لگنے دیں ورنہ دال کڑک ہو جاتی ہے۔
٭ گوشت کو بھی دھو کر ابال لیں اور کوشش کریں کہ 40 منٹ تک ابالیں تاکہ اس کو بھی پیسنا آسان ہو جائے۔
٭ اب ان دونوں چیزوں کو پیس کر الگ کرلیں۔
٭ ایک پیاز کاٹ کر اس کو بھی سل بٹے پر پیس لیں اور اسی میں گوشت/ دال سارا سامان ڈال کر ایک مرتبہ باریک سا کرلیں۔
٭ اب ایک پیالے میں انڈے اور ایک چمچ بیکنگ سوڈا ڈال کر اچھی طرح مکس کریں۔
٭ پھر پیسے ہوئے مصالحے کی ٹکیاں بنائیں اور ان پر آئل کا سپرے کرکے رکھ لیں۔
٭ شامی کباب کی ٹکیوں کو انڈے میں ڈبو کر اچھی طرح ڈیپ فرائی کرلیں۔
٭ اس طریقے سے شامی کباب نہ تو ٹوٹیں گے اور نہ ہی ان میں زیادہ آئل جذب ہوگا۔

چٹنی:
گوشت کے کباب چٹنی کے بناء اچھے نہیں لگتے یا پھر املی کے پیسٹ اور ٹماٹروں کو اچھی طرح مکس کرکے سادی چٹنی کے ساتھ سروو کردیں اور سلاد کے طور پر باریک کٹی ہوئی پیاز رکھ لیں۔