پیاز اور آلو چھیل کر چھوٹے ٹکڑے کر لیں ایک پتیلی میں ان کو ملا کر ڈال دیں اور اتنا پانی اس پر ڈالیں۔ کہ یہ ٹکڑے بھیگ جائیں۔ ان کو اتنا پکائیں کہ یہ گل جائیں اس کے بعد ان ٹکڑوں کو چھلنی میں ڈال کر دبائیں تاکہ پسے ہوئے مصالحے جیسا گودا نکل آئے۔
مشروم کو پانی میں ڈبو کر نکال لیں اور ان کے چھوٹے چھوٹے ٹکڑے کاٹ لیں۔ اب ایک پتیلی میں مکھن، مشروم ، دودھ، نمک ، سیاہ مرچ اور مسٹرڈ سوس ڈال دیں، ساتھ میں آلو پیاز کا گودا بھی شامل کر لیں اور چولہے کی ہلکی آنچ پر گرم کر یں۔ سوپ کو گرم کرتے وقت یہ دھیان رکھیں کہ یہ ہلکی آنچ پر ہی گرم ہو، تیزی سے پکانے پر تمام اجزاء یک جان نہیں ہوں گے۔ اس سوپ میں اگر چاہیں تو تھوڑے سے مٹر، گاجر یا شملہ مرچ کاٹ ملائی جا سکتی ہے۔