Khasta Poori Recipe in Urdu

اجزاء:
آج کل بازار کی پوری اتنی مہنگی ہوگئی ہے کہ منگوانے سے پہلے بھی سوچنا پڑتا ہے اور اگر گھر میں افراد زیادہ ہوں تو دل مار کر پھر روٹی ہی کھانی پڑتی ہے۔ لیکن کچھ خواتین گھر میں بھی پوریاں بناتی ہیں، لیکن ان کی بھی ایک شکایت ہوتی ہے کہ پوریاں بناؤ تو وہ کڑک پاپڑ ہوجاتی ہیں، جسے کھانے میں مزہ بھی نہیں آتا۔

اسلیئے آج کے فوڈز ان خواتین کیلیئے لایا ہے ایک ایسی ٹپ، جس سے ان کی پوریاں نرم بھی ہونگی اور پھولی ہوئی بھی بنیں گی۔

سب سے پہلے ایک پیالے میں دو کپ میدہ لیں اس میں آدھا چمچ نمک، دو چمچ دہی، ایک چمچ تیل اور پانی ڈال کر آرام آرام سے گوندھیں، گوندھتے وقت اس بات کا دھیان رکھیں کہ پانی تھوڑا تھوڑا کرکے شامل کریں، آٹے کو بہت زیادہ نرم نہیں کرنا جب گوندھ جائے تو اس میں ایک سے دو چمچ تیل ڈال کر تب تک گوندھیں جب تک تیل جدب نہ ہوجائے۔ پھر اسے آدھے گھنٹے کیلیئے ڈھاک کر رکھ دیں۔ اسکے بعد پوریاں بیلیں اور گرما گرم تیل میں ڈیپ فرائی کریں۔

پوری بناتے وقت کن باتوں کا دھیان رکھنا چاہیئے جس سے وہ نرم اور پھولی ہوئی بنیں گی؟

۔ میدے میں دہی ڈالنے سے پوری نرم بنتی ہے۔

۔ نیم گرم پانی سے آٹا گوندھنے سے پوریاں اچھی بنتی ہیں۔

۔ نرم پوری بنانے کیلیئے ضروری ہے کہ پوری بیلتے وقت صرف تیل/ گھی کا استعمال کریں، خشک آٹا بلکل نہ لگائیں۔

۔ پوریوں کو ہرگز پتلا نہ بیلیں اس سے آپکی پوری کڑک ہوجاتی ہے اور پھولتی بھی نہیں ہے۔

۔ پوریوں کو تیل کے بجائے گھی میں فرائی کریں، اس سے پوری نرم اور زیادہ ذائقہ دار بنتی ہے۔