Anda Paratha Recipe in Urdu

اجزاء:
صبح کا ناشتہ ہماری اچھی صحت کیلیئے بہت اہم ہے، اسکے علاوہ دن کی شروعات میں غذائیت سے بھرپور ناشتہ پورا دن آپ کو فٹ رکھتا ہے۔ پر اکثر خواتین کو صبح اٹھ کے پراٹھے بنانے میں سستی آتی ہے اور بعض اوقات تو اتنا وقت بھی نہیں ہوتا کہ آٹا گوندھ کر پراٹھا بنایا جائے۔

آج ہم آپ کے لیئے لائے ہیں بنا آٹا گوندھے انڈا پراٹھا بنانے کی ایسی مزیدار ریسیپی جو کہ نہایت آسان ہے۔

درکار اجزاء:
۔ انڈے 2 عدد
۔ دودھ 1 کپ
۔ میدہ / آٹا 1 کپ
۔ چھوٹی ہری اور لال مرچ باریک کٹی ہوئی
۔ ہرا دھنیا
۔ نمک اور کٹی لال مرچ

۔ سب سے پہلے پیالے میں ایک انڈا توڑ کر ڈالیں پھر اس میں دودھ، باریک کَٹی مرچیں، ہرا دھنیا، 1 چمچ گھی یا مکھن، کُٹی لال مرچ اور نمک حسبِ ذائقہ ڈال کر پھینٹ لیں۔ پھر اس میں میدہ یا آٹا شامل کرکے اچھے سے مکس کر کے بیٹر تیار کرلیں۔

۔ اگر آپ کے پاس نان اِسٹک کا توّا ہے تو بنا تیل ڈالے اور اگر نہیں ہے تو ہلکا سا تیل لگا کے گرم توّے پر مکسچر کو ڈال کر گولائی میں پھیلا دیں، جب تک ایک طرف سے پک نہ جائے تب تک پلٹنا نہیں ہے۔

۔ جب تھوڑی سخت ہوجائے تو اس پر ہلکا سا تیل لگا کر روٹی کو پلٹ دیں، پلٹنے کے بعد ایک انڈا توڑ کر اس کے اوپر ڈالیں اور ہلکا سا نمک چھڑک کر اسے چمچ سے روٹی کے اوپر پھیلا دیں اور منٹ تک ایسے ہی رہنے دیں۔

۔ اب اوپر سے تیل یا گھی ڈال کے انڈے والی سائیڈ کو پلٹ دیں، یاد رکھیں تیز آنچ پہ نہیں بنانا ہے۔ دونوں طرف سے پراٹھے کو اچھے سے پکائیں اور پلیٹ میں نکال کر سَرو کریں، مزیدار انڈا پراٹھا کھانے کیلیئے تیار ہے۔