Pan Ke Patte Ke Fawaid

لوگوں کی ایک بڑی تعداد سمجھتی ہے کہ پان کھانا ہماری صحت کے لیے بالکل ٹھیک نہیں ہے اور یہ بات ایک حد تک درست بھی ہے کیونکہ اس اس میں کتھے، تمباکو اور چھالیہ وغیرہ کا استعمال کیا جاتا ہے- لیکن کیا آپ جانتے ہیں کہ پان کا پتہ متعدد قیمتی فوائد سے مالا مال ہوتا ہے۔ جی ہاں اگر آپ صبح پان کے پتے کا ایک ٹکڑا کھا لیں تو آپ کو صحت اور حسن سے متعلق شاندار فوائد حاصل ہوسکتے ہیں۔

جوڑوں کے درد کے لیے مفید
اگر آپ کے جوڑوں میں درد ہے، ہڈیوں میں کیلشیم کی کمی ہے یا گٹھیا کا مسئلہ رہتا ہے تو صبح پان کے پتے کا ایک ٹکڑا کھا لیں کچھ دن میں بہتر محسوس کریں گے۔

ہاضمے کے لیے مفید
اکثر لوگوں کا ہاضمہ درست نہیں رہتا ان کو بھوک نہیں لگتی، جگر میں خرابی رہتی ہے، پیٹ میں گیس بنتی رہتی ہے تو آپ صبح پان کے پتے کا ٹکرا چبائیں یہ ان تمام مسئلوں کے لیے ثابت مفید ہوتا ہے۔

ایکنی کے لیے مفید
پان کا پتہ خون صاف کرتا ہے اور معدے کی گرمی کم کر کے ایکنی کا صفایا کرنے کے ساتھ ہی یہ چہرے کو صاف و شفاف اور رنگ کو صاف کرنے میں آپ کی مدد کرتا ہے۔

مسوڑھوں کے لیے مفید
پان کے پتے چبانے سے مسوڑھے مضبوط ہوتے ہیں اور منہ سے آنے والی بدبو ختم ہوتی ہے۔