How to Get Rid of Ants in House

چیونٹیاں بھگانے کی چند مفید گھریلو ٹپس
چیونٹیوں کی وجہ تقریباً ہم سب ہی پریشان ہوتے ہیں اور انہیں گھر سے بھگانے کے لیے مختلف ادویات کا استعمال کرتے ہیں جو کہ صحت کے لیے نقصان دہ ثابت ہوسکتی ہیں۔ اگر ہم اپنے گھر سے چیونٹیوں کو بھگانے کے لیے دارچینی کا استعمال کریں تو اس مشکل سے چھٹکارا پا سکتے ہیں۔
دارچینی میں موجود اجزاء کی وجہ سے چیونٹیوں کو آپس میں بات چیت کرنے میں مشکل ہوتی ہے جس کی وجہ سے وہ گھر میں داخل نہیں ہوتیں۔ماہرین کا کہنا ہے کہ چیونٹیوں کی سونگھنے کی حس بہت تیز ہوتی ہے اور دارچینی میں یہ خصوصیت موجود ہے کہ یہ ان کی سونگھنے کی حس کو متاثر کرتی ہے۔دارچینی کی خوشبو چینٹیوں کی حس کو بری طرح خراب کرتی ہے اور وہ گھرمیں داخل نہیں ہوپاتیں۔آپ کو چاہیے کہ جہاں چیونٹیوں کو بھگانا چاہئیں وہاں دارچینی کے پاؤڈر کا چھڑکاؤ کردیں، وہ وہاں سے بھاگ جائیں گی۔