ایسا ہربل ہیئر ٹانک جو بنائیں بالوں کو مضبوط اور گھنا
جب ہم بالوں کو کنگھی کریں تو فرش پر بالوں کا ڈھیر لگ جاتا ہے جس کو دیکھ کر ہمیں دھچکا لگتا ہے اور ہم پریشان ہو کر بازار میں ملنے والے کیمیکل سے بھرپور پراڈکٹس اور ہیئر ٹانک وغیرہ لے آتے ہیں جو بہت مہنگے بھی ہوتے ہیں۔
آج ہم آپ کو بتانے والے ہیں گھر میں ہربل ہیئر ٹانک بنانے کا طریقہ جو آپ کے پیسے بھی بچائے گا اور بالوں کو خوبصورت، چمکدار اور مضبوط بھی بنائے گا تو آیئے پھر فوری اس کی ترکیب کی طرف چلتے ہیں۔
ہربل ہیئر ٹانک بنانے کا طریقہ
ماہرین کے مطابق روزانہ کی بنیاد پر 50 سے 100 بال گرنا نارمل ہے اور اس میں کوئی پریشانی کی بات نہیں لیکن اگر تعداد بڑھ جائے اور بال ضرورت سے زیادہ اترنے لگیں تو ایسے میں ہمارا بتایا ہوا ہیئر ٹانک آپ کے لئے مددگار ثابت ہو سکتا ہے۔
اجزاء:
میتھی دانہ۔۔۔ ایک مٹھی
سرسوں کا تیل۔۔۔ آدھا لیٹر
• ہیئر ٹانک بنانے کا طریقہ
ایک پتیلی لیں، اس میں سرسوں کا تیل ڈال کر اس میں بتائی گئی مقدار کا آدھا حصہ ڈال دیں، اب ہلکی آنچ پر اس تیل کو اتنا پکائیں کہ میتھی دانہ کالا ہو جائے مگر تیل میں اُبال نہ آئے، اس میں 15 سے 20 منٹ لگ سکتے ہیں، پھر اس تیل کو چولہے سے اُتار کر سائیڈ میں رکھ دیں، جب یہ ٹھنڈا ہو جائے تو اس سے میتھی دانہ چھان کر نکال لیں، اب اس تیل میں بچا ہوا میتھی دانہ ڈالیں اور اسے کسی بوتل میں بھر کر رکھ دیں، لیجیئے آپ کا ہربل ہیئر ٹانک تیار ہے۔
• ٹانک کو مزید کارآمد بنائیں
اگر آپ چاہتے ہیں کہ یہ ہیئر ٹانک آپ کو مزید کرشماتی فوائد دے اور آپ کے بالوں کو مضبوط کرنے کے ساتھ ساتھ چمکدار اور لمبا بھی کرے تو اس میں برابر مقدار سے زیتون کا تیل بھی شامل کر دیں اور پھر استعمال کریں۔
• ہیئر ٹانک لگانے کا طریقہ
اگر آپ کے بال بہت زیادہ گر رہے ہیں تو اس تیل کو روزانہ رات لگا کر سو جائیں اور صبح سر دھو لیں یا پھر نہانے سے ایک گھنٹے قبل اس تیل سے سر کی اچھی طرح مالش کریں، ساتھ ہی اس بات کا خیال رکھیں کہ شیمپو بہت زیادہ تیز کیمیکل والا نہ ہو، آپ شیمپو کو اگر کسی پیالی میں نکال کر اس میں تھوڑا پانی ملا لیں اور پھر اس سے سر دھوئیں تو آپ کے بالوں کو شیمپو کے کیمیکل سے زیادہ نقصان نہیں پہنچے گا۔
In Gharelo Tips and Totkay section you can check Ghar Mein Hair Tonic Banane Ka Tarika in most easiest way. Find Ghar Mein Hair Tonic Banane Ka Tarika in urdu totkay only at kfoods. At this page you can find Ghar Mein Hair Tonic Banane Ka Tarika totka in details also check the relevant totkay in Urdu of Ghar Mein Hair Tonic Banane Ka Tarika.