Ghar main Dahi Jamane Ka Tarika

گھر میں دہی جمانے کا آسان طریقہ
رمضان المبارک کے بابرکت مہینے میں سحروافطار میں دہی کا استعمال غالبا بڑھ جاتا ہے۔ چاہے وہ افطار میں دہی بھلے، دھی والی چاٹ یا پھر چٹنی کی صورت میں اور سحری میں لسی یا ویسے دہی کھانے کی صورت میں ہو۔ اور پھر اچھی بالائی والی اسپیشل دہی مل جائے تو مزہ ہی آجائے۔ لیکن ہر دکان پر مزیدار دہی بھی نہیں ملتی ہے، تو کیوں نہ ایسی دہی آپ خود ہی گھر میں جمالیں۔
اگر ایک لیٹر دودھ کا آپ دہی جما رہے تو آدھ آدھ لیٹر الگ کریں ۔
آدھ لیٹر کو خوب گرم کریں کھولتا ہوا اور دوسرا آدھ لیٹر دودھ نیم گرم کریں۔
اب دونوں دودھ کو مٹی کے برتن میں ڈالیں اور بھرا ہواچمچ دہی کا آہستہ آہستہ دودھ میں ملائیں۔
جس برتن میں دہی جما رہے ہیں اس برتن کو ہلائے بغیر اوون میں یا کسی محفوظ جگہ رکھ دیں۔
تین سے چار گھنٹوں میں بہترین دہی تیار ہے۔