Gandi Karahi Ko Saaf Karne Ka Tarika

رمضان میں کڑاہی اتنی استعمال ہو رہی ہے کہ بہت گندی ہو گئی ہے۔۔۔ تو اسے صاف کریں آسانی سے بس یہ ٹِپ آزمائیں اور کڑاہی چمکائیں
رمضان میں ہمارے کچن میں سب سے زیادہ استعمال ہونے والی چیز ہے کڑاہی کیونکہ روزانہ رول سموسے پکوڑے سب ہی فرائی آئٹم اس میں فرائی کئے جاتے ہیں ایسے میں یہ کڑاہی بہت گندی اور چکنی بھی ہو جاتی ہے۔
کڑاہی گندی ہونے کی وجہ سے اس میں فرائی ہونے والی چیزوں میں بھی ذائقہ نہیں رہتا اس لئے اس کو صاف کرنے بے حد اہم ہے۔
تو چلیں پھر آج آپ کو کڑاہی صاف کرنے کے دو آسان اور آزمودہ طریقے بتا دیتے ہیں، تاکہ آپ کی گندی کڑاہی ہو صاف اور افطاری بھی بنے خاص۔

گندی کڑاہی صاف کرنے کا طریقہ:
• سب سے پہلا طریقہ تو یہ ہے کہ کڑاہی کو پانی سے دھو کر ایک یا دو عدد لیموں لیں اور لیموں پر کھانے کا سوڈا لگا کر اس سے کڑاہی ملیں اور کچھ دیر کے لئے چھوڑ دیں، پھر اسے اچھے ڈِش واش سے رگڑ کر دھو لیں۔
• لیموں چکنائی کاٹے گا اور بیکنگ سوڈا گندی کو نکال پھینکے گا تو یہ ٹِپ ضرور آزمائیں۔
• ایک اور ٹِپ یہ ہے کہ کڑاہی کو تیز آنچ پر تپنے کے لئے چھوڑ دیں، اور تب تک تپائیں کہ اس کی سیاہی چھوٹ جائے، یہ بھی ایک آزمودہ طریقہ ہے، اس سے کڑاہی کی ساری کالک اور چکنائی اُتر آئے گی، پھر اسے ڈِش واش سے دھو لیں۔
• تو لیجئیے ہو گئی آپ کی چکنائی والی کڑاہی صاف اور چمکدار۔