مجھے آگے بڑھنے کی ہمت عطا کر۔۔ ثانیہ مرزا حوصلہ کھونے لگی ہیں؟ نئی پوسٹ پر صارفین تشویش کا شکار

ثانیہ مرزا ایسی خاتون ہیں جو کہ ہمت و حوصلے کی ایک اعلیٰ مثال ہیں، وہ نہ صرف بھارت میں بلکہ پاکستان بھر میں بھی پسند کی جاتی ہیں۔

لیکن ان دنوں سابقہ بھارتی ٹینس اسٹار ثانیہ مرزا کی حالیہ پوسٹ دیکھ کر مداحوں کو ایسا لگنے لگا کہ وہ اپنی ہمت ہارنے لگی ہیں۔

دراصل انسٹاگرام پر ثانیہ مرزا نے ایک خوبصورت دعا کی اسٹوری شیئر کی ہے، جس میں انہیں اللہ تعالیٰ سے ہمت و حوصلہ بلند رکھنے کے لیے مدد مانگتے دیکھا جاسکتا ہے ۔

تصویر میں لکھا ہے کہ، "یا اللہ، اگر میں غلط ہوں تو مجھے درست راستہ دکھا، اگر میں گمراہ ہوں تو مجھے راہ راست پر لے آ، اگر میں ہمت و حوصلہ ہار رہی ہوں تو میری رہنمائی فرما اور مجھے آگے بڑھنے کی ہمت عطا کر۔"

ثانیہ مرزا کی یہ پوسٹ سوشل میڈیا پر وائرل ہوگئی اور اب ان کے چاہنے والے ان کے حق میں دعائیں کر رہے ہیں۔

یاد رہے کہ ثانیہ مرزا کے سابق شوہر شعیب ملک ان دنوں اپنی اہلیہ ثناء جاوید کے ساتھ سوئٹزرلینڈ کے سیر سپاٹوں میں مشغول ہیں جہاں سے انکی اپنی اہلیہ کے ساتھ لی گئی تصاویر سوشل میڈیا پر خوب وائرل ہو رہی ہیں۔