Answer
شاہی ٹکڑے
اجزاء:
بریڈ سلائسز۔۔۔۔۔۔۔۔۔۔۔۔۔۔۔آٹھ عدد
کنڈینسڈ ملک۔۔۔۔۔۔۔۔۔۔۔۔۔۔۔۔۔۔۔400گرام
کارن فلور۔۔۔۔۔۔۔۔۔۔۔۔۔۔۔۔ایک کھانے کا چمچ
چینی۔۔۔۔۔۔۔۔۔۔۔۔۔۔۔۔۔۔۔۔آدھا کھانے کا چمچ
بادام۔۔۔۔۔۔۔۔۔۔۔۔۔۔۔پندرہ عدد(باریک کٹے ہوئے)
چھوٹی الائچی۔۔۔۔۔۔۔۔۔۔۔۔۔۔۔۔۔۔چار عدد(باریک کچل لیں)
گھی۔۔۔۔۔۔۔۔۔۔۔۔۔۔۔۔حسبِ ضرورت (سلائس تلنے کے لئے)
ترکیب:
سب سے پہلے گھی گرم کریں، جب گرم ہوجائے تو سلائس ڈیپ فرائی کرلیں۔ جب گولڈن ہوجائے تو نکال کر پیپر پر پھیلا دیں تاکہ چکنائی جذب ہوجائے، ایک فرائنگ پین کو ہلکی آنچ پر گرم کریں۔ دودھ ، کارن فلور، الائچی اور چینی ملا کر فرائنگ پین میں ڈال کر ہلکا سا پکا لیں جب گاڑھا ہوجائےتو اتار لیں۔ اب یہ آمیزہ فرائی کئے ہوئے سلائسز کے اوپر لگا کر درمیان میں سے 2 ٹکڑے کرلیں یا کسی گول کٹر سے کاٹ لیں۔ ان کو گول، چوکوریا لمبائی میں اپنی پسند کے مطابق کاٹ سکتے ہیں۔ اوپر سے بادام چھڑک دیں اور ایک خوبصورت ڈش میں سجا کر پیش کریں۔ مزیدار خستہ شاہی ٹکڑے تیار ہیں۔ ان کو آپ چائے کے ساتھ بھی لے سکتےہیں۔