Chicken Lasagna Recipe in Urdu

اجزاء:
اکثر لوگ دیسی کھانے سے اکتا جاتے ہیں اور چاہتے ہیں کہ کچھ مختلف کھایا جائے جو کہ سادہ بھی ہو اور مزیدار بھی۔ جس کو کھا کرطبیعت میں بھاری پن بھی نہ ہو اورجسے گھر کے بچے اور بڑے دونوں شوق سے کھائیں ۔ اسی لئے ہم آپ کے لئے چکن لزانیہ کی ریسیپی لائے ہیں جو کہ آپ عید پر بھی اپنے مہمانوں کی خاطر مدارت کے لئے بنا سکتی ہیں یا اگر چاہیں تو ان آخری روزوں میں افطار کی زینت بھی بنائی جا سکتی ہے۔
لزانیہ ایک پیکٹ
پانی ایک لیٹر
نمک حسبِ ضرورت
تیل 2 کھانے کے چمچے
بلیو بینڈ 1 کھانے کا چمچ
لہسن 2 جوے
چکن قیمہ 1 کلو
پیاز( باریک کٹی ہوئی) دو عدد
ٹماٹر پسے ہوئے 1 کپ
ٹماٹر پیسٹ 1 کھانے کا چمچ
کُٹی لال مرچ 1 چائے کا چمچ
پسی کالی مرچ ایک چوتھائی چائے کا چمچ
مکس ہربز 1چائے کا چمچ
نمک حسبِ ضرورت
وہائٹ ساس
بلیو بینڈ 2کھانے کے چمچ
میدہ 2 کھانے کے چمچ
دودھ ڈیڑھ پیالی
نمک حسبِ ضرورت
کالی مرچ ایک چوتھائی چائے کا چمچ
شکر آدھا چائے کا چمچ
موزریلا چیز ایک پیکٹ

ایک پین میں تقریباً 1 لیٹر پانی لیں اس میں حسبِ ضرورت نمک ڈالیں اور اس کے بعد لزانیہ کی پٹیاں ڈال کر بوائل کر لیں۔ بوائل ہو جائیں تو ٹھنڈے پانی میں ڈال دیں تاکہ آپس میں چپک نہ جائیں۔
ایک پین میں بلیو بینڈ ڈالیں، پھر اس میں دو کھانے کے چمچ تیل مکس کر کے گرم کرلیں، اب اس میں کُٹا ہوا لہسن ڈال کر سوتے کرلیں۔
اب اس میں چکن کا قیمہ ڈالیں اور بھون لیں۔ کلر بدل جائے تو اس میں پیاز ڈال کر چلائیں۔
اب اسمیں ٹماٹو پیسٹ اور پسے ہوئے ٹماٹر دونوں ڈال کر اچھی طرح بھون لیں۔
اب اس میں کُٹی لال مرچ ، کالی مرچ، مکس ہربز، نمک، ڈال کر اسکو پکا لیں۔
وائٹ ساس کی تیاری
ایک پین میں بلیوبینڈ ڈالیں ہلکا سا گرم ہوجائے تو اس میں میدہ ڈال کر تیزی سے چلائیں، اب اس میں دودھ ڈال کر پکالیں۔ اب اس کی سیزنگ کرلیں اور نمک، کالی مرچ، شکر اور موزریلا چیز ڈال دیں۔
اب لزانیہ کو اسیمبل کریں۔ پہلے لزانیہ کی پٹیاں ڈش میں سجائیں اس کے اوپر چکن کا آمیزہ ڈالیں اور پھراس کےاوپر وائٹ ساس ڈالیں ۔اب پھر اسی ترتیب سے دوسری تہہ لگائیں۔ سب سے اوپر لزانیہ کی پٹیاں آئیں گی اس پر وائٹ ساس پھیلائیں اور پھرموزریلا اچھی طرح پھیلا دیں۔اور پھر اوون میں بیک کر لیں ۔اتنی دیر بیک کریں کہ چیز پگھل جائے۔ لیجیے مزیدار چکن لزانیہ تیار ہے۔