Lehson Mehfooz Karne Ka Tarika

لہسن کو لمبے عرصے تک محفوظ کرنے کا طریقہ
لہسن اور پیاز کو اگر زیادہ دیر تک رکھا جائے تو ان کے خراب ہونے کے امکانات زیادہ ہوتے ہیں لیکن آج ہم آپ کو ایک ایسا طریقہ بتائیں گے جس پر عمل کرکے آپ ان دونوں کو مہینوں محفوظ رکھ سکتے ہیں۔

براؤن رنگ کے کاغذ کے بیگ لیں اور اس کے اوپر والے حصے میں سوراخ کرلیں۔اب اس میں پیاز یا لہسن سوراخ کے نشانات تک ڈالیں اور اسے پیپر کلپ سے بند کردیں۔اس بیگ کو کسی خشک جگہ پر رکھ دیں جہاں ہوا کا گزر ہوتا ہو۔بہتر ہے کہ جہاں یہ بیگ رکھا گیا ہے وہاں روشنی بہت کم آتی ہو اور وہ جگہ مکمل خشک ہو کیونکہ نمی ان چیزوں کو تیزی سے خراب کردیتی ہے۔

اس چیز کا دھیان رکھیں کہ جہاں پیاز رکھ رہے ہیں اس کے نزدیک آلو نہ ہوں ورنہ پیاز جلد خراب ہوسکتے ہیں،آلوؤں میں سے ایک مخصوص گیس نکلتی ہے جس سے پیاز کے خراب ہونے کا امکان بڑھ جاتا ہے۔اس بات کو بھی ذہن میں رکھیں کہ پیاز یا لہسن کو کبھی بھی پلاسٹک کے شاپنگ بیگ میں نہیں رکھنا ورنہ ہوا کی عدم موجودگی میں پیاز جلد خراب ہوسکتا ہے۔