Isteri Ko Saaf Krne Ka Tarika

استری کو صاف کرنا ہوا آسان
استری گھر میں موجود ایک ایسی الیکٹرانک مشین ہے جو ہر کسی کی ضرورت ہوتی ہے اور شاید ہی کوئی گھر ایسا ہو جہاں یہ الیکٹرک مشین نہ ہو لیکن اس کے روزمرہ استعمال سے اس کے نچلے حصے پر گندگی کی تہہ جم جاتی ہے جس کو صاف کرنا ایک کافی مشکل مرحلہ ہوتا ہے ۔
آج ہم آپ کو بتائیں گے کہ آپ کس طرح آسانی کے ساتھ استری کے نچلے حصے پر گندگی کو صاف کر سکتے ہیں ۔


استری کے نچلے حصے پر لگی گندگی کو صاف کرنے کا طریقہ :
اس طریقہ کار کے لئے جن دو چیزوں کی آپ کو ضرورت پڑے گی اُن میں سے ایک بیکنگ سوڈا اور سرکہ ۔
۱۔سب سے پہلے میں نے سرکے میں کپڑے کو بھگودیا اور اس کی مدد سے استری پر لگے داغ کو اچھی طرح رگڑ کر صاف کیا جس کے استعمال سے یہ کافی حد تک صاف ہو گیا ۔

۲۔لیکن یہاں کچھ ایسی بھی جگہ تھیں جن کی صفائی صرف کپڑے سے ممکن نہیں تھی لہذا میں نے ٹوتھ برش اور بیکنگ سوڈا کی مدد سے ان جگہوں کو بھی اچھی طرح سے صاف کیا ۔

۳۔ اب استری کو تھوڑی دیر کے لئے میں نے گرم کیا اور پھر سوئچ آف کرنے کے بعد کپڑے کی مدد سے ایک دفعہ اور صاف کرلیا۔
مجھے یہ دیکھ کر بے حد خوشی ہوئی کہ میری استری بالکل صاف اور چمکدار ہو گئی ہے ۔