Cholesterol Kam Karne Ka Tarika

کولیسٹرول کی کریں چھٹی،ڈاکٹر عیسٰی نے بتادیا کولیسٹرول کم کرنے کا سستا گھریلو نسخہ جسے ہر کوئی بہت آسانی سے بنا سکتا ہے۔
کولیسٹرول کی زیادتی آج کل بہت عام مرض بن چکی ہے۔ ہر شخص اس میں مبتلا نظر آتا ہے ،کولیسٹرول کی زیادتی کا مطلب ہے کہ آپ نے دل کی بیماری کی طرف قدم بڑھا دیا ہے۔ ڈاکٹر اس کے لئے دوائیں تجویز کرتے ہیں لیکن جب تک ان دواؤں کے ساتھ اپنے کھانے پینے پر کنٹرول نہیں کیا جائے گا اس وقت تک یہ مرض قابو میں نہیں آسکتا ۔ یہاں آج ہم ڈاکٹرعیسٰی کا کولیسٹرول کم کرنے کا ایک نسخہ بتا رہے ہیں جو کہ انتہائی سستا،سادہ اور آسان ہے ،لیکن اس کے استعمال کے ساتھ ضروری ہے کہ آپ چکنائی کا استعمال کم کریں ، کھانا پکانے میں سرسوں کے تیل کا استعمال کریں،یا ناریل کا تیل بھی صحت کے لئے بہترین ہے۔ اس کے علاوہ اپنے کھانے پینے کے معمول کو بھی بدلنے کی کوشش کریں ،صبح کا ناشتہ بھرپور کریں اور رات کا کھانا ہلکا پھلکا کھائیں تاکہ وہ ہضم ہو سکے۔ رات کا کھانا جلدی کھائیں اور ایسا کھائیں جو جلدی ہضم ہو سکے،کھانا کھاتے ہی لیٹ نہ جائیں، اس سے سینے میں جلن،تیزابیت اور ایسیڈٹی کے مسائل پیدا ہوتے ہیں۔ 30 سال کی عمر کے بعد بڑا گوشت یا ریڈ میٹ کم استعمال کریں کیونکہ اس میں چکنائی کی مقدار زیادہ ہوتی ہے اور ہضم دیر سے ہوتا ہے۔ بازار کی چیزیں کم کھائیں، گھی تیل کا استعمال کم کریں، یہ صرف آپ کو بیمار کرتے ہیں ۔ اب ہم یہاں نسخے کی طرف آجاتے ہیں ،تو ڈاکٹر عیسٰی کا نسخہ درج ذیل ہے۔
سفید زیرہ 25 گرام
سونف 25 گرام
میتھی دانہ 25 گرام
کلونجی 25 گرام
ان چاروں چیزوں کو ملا کر پیس کر پاؤڈر بنا لیں۔ صبح اور شام آدھا آدھا ٹی اسپون کھائیں۔ اس کے ساتھ اگر کسی اور مرض کی دوا آپ کھاتے ہیں تو وہ جاری رکھیں ۔یہ صرف کولیسٹرول کی دوا ہے۔ اس دوا کے استعمال سے پہلے اپنا کولیسٹرول چیک کروائیں اور 4 مہینے یہ دوا استعمال کرنے کے بعد پھر یہ ٹیسٹ کروائیں آپ کو فرق پتہ چل جائے گا۔