سیب جلد کے لئے خاص کریم
دن بھر کے کام اور بھاگ دوڑ میں گردوغبار سے چہرے کی جلد بہت متاثر ہوجاتی ہے ۔ آپ کے چہرے کوخصوصی کیئر کی ضرورت ہوتی ہے اس لئے یہاں پر آپ کو گھر پر نائٹ کریم بنانے کا طریقہ بتایا جارہا ہے جو کہ چہرے کی جلد کی حفاظت کرتا ہے اور رنگت صاف کرتا ہے ۔

ٹوٹکہ بنانے کے لئے درج ذیل اجزاء درکا ر ہوں گے ۔
سیب ۔۔۔۔۔۔۔۔۔۔۔ایک عدد
زیتون کا تیل۔۔۔۔۔۔۔آدھ کپ

بنانے کا طریقہ
۱۔سب سے پہلے سیب کو دھوکر اُسے کاٹ لیں اور بیج والا حصہ نکال لیں ۔
۲۔سیب کو چھری کی مدد سے چھوٹے چھوٹے ٹکڑوں میں کاٹ لیں ۔
۳۔بلینڈر میں سیب کے ٹکڑوں کو ڈالیں اور آدھ کپ زیتون کا تیل بھی شامل کرلیں ۔
۴۔ بلینڈر کو سات منٹ تک چلائیں اور مکسچر تیار کرلیں اور پھر اس مکسچر کو بوائلر میں ڈال کر کچھ منٹ کے لئے گرم کرلیں ۔
۵۔اب اس کو ٹھنڈا کرکے کسی اور ڈبے میں محفوظ کرلیں ۔
۶۔اس مکسچر کو اپنے ہاتھوں کی مدد سے جلد پر لگائیں اور مسلین اور رات بھر لگا رہنے دیں اب اس کو صبح میں دھولیں ۔