Star Anise Tea Recipe in Urdu

اجزاء:
خواتین کچن میں منفرد انداز سے کھانے تو بناتی رہتی ہیں کبھی گرم مصالحہ پہلے ڈال کر تو کبھی پیس کر، کبھی بادیان کا پھول کو بھی پاؤڈر کے طور پر تو کبھی ثابت ڈال کر کھانوں کے ذائقوں کو بڑھا دیتی ہیں۔ لیکن یہی کھانے پینے کی چیزوں کا صحیح استعمال اگر یہ جان لیں تو انہیں مختلف قسم کی بیماریاں اور مسائل سے چھٹکارہ مل سکتا ہے۔ اور بات اگر ہم ہارمونز کی کریں تو خواتین کا آج کل سب سے بڑا مسئلہ ہارمونز کا عدم توازن ہے۔ جس کے لئے مہنگی دوائیاں کا خرچہ ہر عورت نہیں اٹھا سکتی اس لئے کہ ایسی تمام ادویات جو ہارمونز کے لئے ڈاکٹر دیتے ہیں وہ سب بہت مہنگی ہوتی ہیں۔ اور صرف خواتین ہی نہیں کچھ ایسے مشترکہ مسائل ہیں جو مردوں کو بھی ہو جاتے ہیں جیسے سانس یا دمے وغیرہ کے جو ان مصالحوں سے کنٹرول کیئے جاسکتے ہیں۔
کے-فوڈ میں آج جانیئے کہ کیسے ہارمونز کے مسائل کو کنٹرول کرنے کے لئے بادیان کے پھول کی چائے روزانہ صرف ایک کپ آپ کی صحت بڑھائے گی اور آپ کو مختلف بیماریوں سے بچانے میں مدد بھی دے گی۔ جانیئے اس کو بنانے کا طریقہ اور اس کے خاص فوائد جو آپ کو آج سے پہلے شاید معلوم نہیں ہوں گے۔

بادیان کی چائے بنانے کے اجزاء:
٭ ایک سے دو بادیان کےپھول،
٭ دو کپ پانی،
٭ چینی/ شہد (حسبِ ضرورت)۔

بادیان کی چائے بنانے کا طریقہ:
٭ دو کپ پانی کو ابالیں اور اس کے ساتھ ہی بادیان کے پھول ڈال دیں۔
٭ اس کے بعد 10 منٹ تک تیز آنچ پر پکائیں۔
٭ پھر جب پانی کا رنگ تبدیل ہو جائے تو اس کو کپ میں نکال لیں۔
٭ چینی یا شہد اپنی ضرورت کے حساب سے ڈال لیں۔
بادیان کے پھول چاہے تو ثابت استعمال کرلیں ورنہ ان کو پیس کر پاؤڈر بنا کر بھی استعمال کرسکتی ہیں۔

بادیان میں کون سے نیوٹریٹنٹ پائے جاتے ہیں؟
بادیان کےایک پھول میں 23 گرام کیلوریز، 1گرام پروٹین، فیٹ ایک گرام، کاربس 3 گرام، فائبر 1 گرام، آئرن 13 گرام، مینگنیز 7 فیصد، کیلشئم 4 فیصد، فاسفورس 3 فیصد، پوٹاشئیم 3 فیصد اور کاپر 3 فیصد پایا جاتا ہے۔

فائدے:
٭ سانس کا مسئلہ:
خواتین ہوں یا مرد حضرات سانس کا مسئلہ کسی کے بھی ساتھ ہوجاتا ہے اور خصوصاً وہ لوگ جو زیادہ تر گھر سے باہر رہتے ہیں دھول مٹی اور کچرے کے ذرات ناک میں جانے کی وجہ سے بھی سانس کے مسائل ہو جاتے ہیں۔ لیکن بادیان کی چائے روزانہ ایک کپ پینے سے آپ کی ناک کی بلاکیج بھی ختم ہو جائے گی اور سانس کا مسئلہ بھی ٹھیک ہو جائے گا۔

٭ ہارمونز میں عدم توازن:
خواتین کو ہارمونز کے مسائل بہت زیادہ ہوتے ہیں اس کے لئے آپ کو چاہیئے روزانہ صبح نہارمنہ یہ چائے پیئیں اور اگر آپ شوگر کی مریضہ ہیں تو چینی کا استعمال بلکل نہ کریں، اس کو ٹھنڈا کرکے پینے سے بہتر ہے کہ آپ نیم گرم پیئیں تاکہ نیوٹریٹنس کی تاثیر جلدی اثر کرے۔

٭ پیٹ خراب:
کھانے چاہے پیٹ بھر کر کھائیں یا پھر کم کھائیں، پیٹ کبھی بھی خراب ہو سکتا ہے، جب بھی آپ کا پیٹ خراب ہو آپ بادیان کی چائے پی لیں اور اس میں ہلکا سا کالا نمک چھڑک لیں تاکہ آپ کا پیٹ بھی صحیح ہو جائے اور جسم سے کولیسٹرول بھی نکل جائے۔

٭ جوڑوں کے مسائل:
جوڑوں کے مسائل خواتین کے ساتھ رہتے ہی ہیں اور دوائیاں بھی استعمال کرتی رہتی ہیں کبھی مالش کرتی ہیں تو کبھی گرم پٹیاں باندھتی ہیں اس سب کے ساتھ جب درد کی شدت زیادہ محسوس ہو تو فوراً ایک کپ بادیان کی چائے پی لیں یہ فوری ریلیف دینے کی طاقت رکھتی ہے۔ اس کے علاوہ روزانہ بھی دن میں کسی بھی وقت آپ اس کو استعمال کرسکتی ہیں۔

٭ ہاتھوں اور پائوں کی جلن:
رات کو سونے سے قبل اکثر پاتھوں اور پیروں میں جلن محسوس ہونے کی شکایت ہوتی ہے تو سونے سے قبل ایک کپ بادیان کی چائے پینی چاہیئے کیونکہ اس میں ریلیکسنٹ اجزات پائے جاتے ہیں جو جلن کو کم کرنے میں مدد دیتے ہیں۔