nawabi seviyan Recipe in Urdu

اجزاء:
ہر بار عید پر شیر خورمہ کھا پی کر اگر آپ بھی بور ہوگئے ہیں تو اس بار بنائیں نوابی سیوئیاں، یہ انوکھی سوئٹ ڈش آپ کی عید کا مزہ دوبالا کردے گی۔ تو آئیے جانتے ہیں اسے بنانے کا طریقہ؛

۔ ایک پین میں 2 چمچ گھی ڈال کر اس میں دیڑھ کپ سیوئیاں شامل کرکے ہلکی آنچ پر اسے روسٹ کریں، اور ساتھ ہی 2 چمچ دودھ اور 2 سے 3 چمچ چینی کے ڈال کر اچھے سے مکس کریں اور پکائیں

۔ 8 سے 10 منٹ پکانے کے بعد اسکا رنگ تبدیل ہوجائے گا، تو آپ اسے ایک پلیٹ میں نکال کر پھیلادیں اسے سے یہ اور بھی کرسپی ہوجائے گی

۔ ایک پیالے میں تھوڑا سا ٹھنڈا دودھ لیکر اس میں 2 چمچ کارن فلور اور 2 چمچ کسٹرڈ پاؤڈر کے ڈال کر مکس کریں

۔ اب ایک کڑاہی میں آدھا لیٹر دودھ اور 4 سے 5 چمچ چینی ڈال کر پکائیں، جب ابال آجائے تو اس میں کارن فلور والا دودھ آہستہ آہستہ شامل کرتے ہوئے چمچ چلاتے جائیں، گاڑھا ہونے پر چولہا بند کردیں

ڈش کو ترتیب دیں:

۔ ایک چوڑے کانچ کے پیالے میں آدھی سیوئیاں بچھائیں اور اس کے اوپر دودھ والا کسٹرڈ ڈال دیں، پھر باقی بچی آدھی سوئیوں کی تہہ لگا کر اس کتے اوپر بادام پستے سے سجاوٹ کریں اور 3 سے 4 گھنٹے فریج میں رکھ دیں۔ لذیذ اور ذائقہ دار سیوئیاں دعوت میں پیش کرنے کیلیئے تیار ہیں۔