کھٹے پانی کے لئے:
بلینڈر میں پودینہ کے پتے، ہری مرچ اور ادرک ڈال کر اچھی طرح پیس لیں۔
اب اس پیسٹ کو پانی میں شامل کر دیں۔
ساتھ ہی اِملی کا گودا، بھنا اور پسا دھنیا، بھنا اور پسا زیرہ، پسی لال مرچ، نمک اور لیموں کا رس ڈال کر اچھی طرح مکس کریں۔
اس کے بعد پانی کو چھان کر فریج میں ٹھنڈا ہونے کے لیے رکھ دیں۔
گول گپے کے لیے:
ایک پیالے میں سوجی، میدہ اور ماش کی دال کا آٹا مکس کریں اور سوڈا ڈال کر گوندھ لیں۔
آٹے کو 30 منٹ کے لیے رکھ دیں، پھر اسے دوبارہ گوندھیں۔
اب ہتھیلی پر آئل لگا کر چھوٹے پیڑے بنائیں۔
ہر پیڑے کو چھوٹی پوری کی شکل میں بیل لیں اور گیلے کپڑے کے درمیان میں دس منٹ کے لیے رکھ دیں۔
اب اسے گرم آئل میں ہلکی آنچ پر فرائی کرلیں۔
سرونگ کے لیے:
انگوٹھے کی مدد سے ایک گول گپے میں سوراخ کریں۔
اس میں اُبلے آلو، چنے ڈال کر بھر لیں۔
اِملی کی چٹنی بھی ڈالیں۔
اب کھٹے پانی کے ساتھ پیش کریں۔