الٹے قدموں چلنے سے کیا فائدہ ہوتا ہے؟ جان کر آپ بھی ایسا کرنے لگیں گے

الٹے قدموں چلنا جسے "ریٹرو واکنگ" بھی کہا جاتا ہے، ایک ایسی ورزش ہے جسے دن میں 15 سے 20 منٹ تک کرنے سے ڈھیروں فوائد حاصل ہوتے ہیں. حالیہ تحقیق کے مطابق اس واک سے صحت پر حیران کن اثرات مرتب ہوتے ہیں جن میں سے چند ہم اپنے قارئین کے لئے یہاں بیان کررہے ہیں.

الٹے قدم چلنے سے جسم پر زیادہ زور پڑتا ہے اور زیادہ کیلوریز جلتی ہیں. اس طرح یہ وزن کم کرنے والوں کے لئے مفید مشق ہے.

ریٹرو واک کرنے سے دل کی دھڑکن تیز ہوتی ہے. یہ ایک طرح سے کارڈیو ایکسرسائز ہے جس کی وجہ سے دل کے عضلات مضبوط ہوتے ہیں.

اس سے کمر اور پٹھوں پر زور پڑتا ہے جس سے جسمانی ساخت میں بہتری آتی ہے اور جسم سیدھا رہتا ہے.

پیچھے کی جانب چلنے کے لیے زیادہ توجہ اور ارتکاز کی ضرورت ہوتی ہے. اس لئے یہ ذہنی صلاحیتوں کو بڑھانے کے لئے مددگار سمجھی جاتی ہے.

جوڑوں میں درد کے مریضوں کو بھی اکثر فزیوتھیراپسٹ ریٹرو واک کا مشورہ دیتے ہیں اس سے کمر، کولہے اور ایڑیاں مضبوط ہوتی ہیں.