دانت کے شدید درد سے آرام چاہتے ہیں؟ تو اس پھل کے پتوں کو اُبال کر کلی کریں اور آرام پائیں

dant-ke-dard-ka-gharelu-ilaj

ویسے تو ہم اکثر دانتوں کی تکلیف دور کرنے کے لئے مختلف قسم کے ٹوٹکے آزماتے ہیں۔ لیکن بعض دفعہ ہم ایسے طریقے بھی اپنالیتے ہیں جن سے ہمیں کوئی خاص فائدہ نہیں ہوتا بلکہ اُلٹا نقصان ہوجاتا ہے اور اس کی تکلیف کی شدت سے نہ صرف ہماری نیند خراب ہوتی ہے بلکہ روزمرہ کے معمولات بھی بری طرح متاثر ہوجاتے ہیں۔

آئیں ہم آپ کو بتاتے ہیں کہ وہ کون سے ٹوٹکے ہیں جو دانتوں کی تکلیف کو کم کرنے میں نہایت مفید ہیں ۔

* دانتوں کی تکلیف دور کرنے کے لئے آپ امرود کے پتے ہلکے گرم پانی میں اُبال کر اچھی طرح کلیاں کریں جس دانت میں درد ہو وہاں زیادہ کلیاں کریں۔

* ایک چھوٹا ٹکڑا پھٹکری کو دو گلاس صاف پانی میں ڈال کر رکھ لیں۔ دانت کے درد میں اسی پانی سے کلیاں کریں تو تکلیف میں آرام آجائے گا۔

* ۔ اگر دانت میں درد ہو تو کاٹن کے ٹکڑے کو سرکے والے نیم گرم پانی میں بھگو کر cavity کو ہلکا ہلکا صاف کرلیں پھر ایک دوسرے کاٹن کے ٹکڑے کو لونگ کے تیل میں ڈبو کر دانت میں جہاں تکلیف ہو وہاں دبالیں درد کم ہوجائے گا۔

* مسوڑھوں کو مضبوط اور دانتوں کی تکلیف دور کرنے کے لئے ایک کھانے کا چمچ شہد اور تھوڑی سی کلونجی پانی میں اُبال کر کلیاں کریں یا چنبیلی کی بیل کے تازہ پتے لے کر پانی میں اُبالیں اور کلیاں کریں۔