قبر سے مسکراتے ہوئے اٹھ گئیں اور پھر.. دفن ہونے کے بعد یہ عورت قبر سے کیسے باہر آئی؟ ناقابل یقین واقعہ

مرے ہوئے شخص کا دوبارہ زندہ ہوجانا آپ نے ڈراؤنی کہانیوں میں تو سن رکھا ہوگا لیکن حقیقی زندگی میں یہ تصور ہی کافی خوناک ہے. البتہ دنیا میں ایسا واقعہ حقیقتاً پیش آ چکا ہے.

جنوبی کیرولینا سے تعلق رکھنے والی خاتون ایسی ڈیون بار 1915 میں مرنے کے بعد دوبارہ زندہ ہوگئیں۔ موت کے وقت ایسی30 برس کی تھیں اور ان کے گھر والوں اور ڈاکٹر نے انہیں مردہ قرار دے دیا تھا، جس کے بعد ان کی تدفین بھی کردی گئی تھی البتہ ان کی ایک بہن دور رہنے کی وجہ سے تدفین میں شریک نہیں ہوسکی تھیں.

البتہ تدفین کے 6 گھنٹے بعد جب ان کی بہن پہنچیں تو ان کا کہنا تھا کہ انھیں اپنی مرحومہ بہن کا ایک بار دیدار کرنے دیا جائے جس کے بعد قبر کھودی گئی. اس میں سے ایسی نکل کر اٹھ بیٹھیں اور مسکرانے لگیں. یہ خوفناک منظر دیکھ کر قبرستان میں موجود سارے لوگ بھاگ گئے اور ایسی اکیلے اپنے گھر کی جانب چل پڑیں.

گھر جا کر ایسی نے سب کو بتایا کہ دراصل وہ مری نہیں تھیں البتہ انھیں مرگی کے دورے پڑتے تھے جس کے بعد وہ بیہوش ہوجاتی تھیں اس بار گھر والوں نے ڈاکٹر کو بلایا تو انھیں مردہ قرار دے دیا گیا جبکہ وہ زندہ تھیں.

اس کے بعد ایسی کا انتقال 22 مئی 1962 کو ہوا اور وہ حادثے کے بعد 47 برس تک زندہ رہیں.