سرف نہیں نمک اور سوڈا ڈالیں ۔۔ کپڑے دھوتے وقت مشین میں یہ چیزیں کیوں ڈالنا چاہیے؟ کچھ ایسی معلومات جو ہر عورت کی مشکل آسان کر دے

ہر ہفتے میں ایک مرتبہ واشنگ مشین میں کپڑے ہر گھر میں دھلتے ہیں چاہے وہ کم ہوں یا زیادہ کیونکہ پردے، کُشن، تکیوں کے کوور، چادریں وغیرہ مشین میں آسانی سے دھل جاتی ہیں۔ لیکن ہفتے بھر کے کپڑے ایک ساتھ صاف ستھرے دھونے میں سرف کا استعمال زیادہ کیا جاتا ہے تاکہ گندے کپڑے نہ رہیں۔

مگر کیا آپ کو معلوم ہے کہ واشنگ مشین میں سرف کے ساتھ کچن میں موجود کونسی چیزوں کو استعمال کرنے سے سرف کی کھپت بھی کم ہوتی ہے اور کپڑے بھی اچھے دھلتے ہیں۔

نمک:

زیادہ کپڑے ایک ساتھ دھونے سے سرف کا استعمال کم کرنے والی خواتین کے لئے سب سے شاندار ٹوٹکہ ہے کہ وہ مشین میں نمک ڈال کر کپڑے دھو لیں۔ اس سے نمک میں موجود سلفر کمپاؤنڈز سرف کے ایسٹک مالیکیولر کمپاؤنڈز کے ساتھ مل کر کیمیائی خواص پیدا کرتے ہیں جن سے کپڑوں میں لگی گرد اور دھول مٹی بھی جلد سے جلد نکلتی ہے اور ان کا رنگ بھی خراب نہیں ہوتا ہے۔

مہنگے کپڑوں کو دھونے کے لئے یہ سب سے مجرب عمل ہے کیونکہ اس سے رنگ خراب نہیں ہوتا اور سوتی کپڑوں کی چمک میں بھی اضافہ ہوتا ہے۔

مشین میں نمک ڈالنے سے آپ کو قمیضوں کے کالر کو ہاتھ سے رگڑنا نہیں پڑے گا کیونکہ یہ کپڑوں کی اندرونی تہہ میں جا کر ضدی داغ نکال باہر کرنے کی صلاحیت رکھتے ہیں۔

بیکنگ سوڈا:

٭ کپڑے دھوتے وقت مشین میں بیکنگ سوڈا ڈالنے سے سرف کا استعمال بھی کم ہوتا ہے اور کپڑوں کے کالر پر لگے ضدی داغ بھی جلد نکل جاتے ہیں۔

٭ وہ کپڑے جن کو بلیچ میں دھونے سے منع کیا جاتا ہے لیکن داغ دھبے لگنے کی صورت میں بلیچ کا استعمال لازمی کرنا پڑتا ہے ان کو صاف کرنے کے لیے بیکنگ پاؤڈر اور سرف ایک اچھے ٹونر بلیچ کا کام کرتے ہیں۔

٭ بیکنگ سوڈا سوتی کپڑوں کے دھاگوں کو نرم و ملائم رکھنے میں اہم کردار ادا کرتا ہے۔ جتنے بھی کلینرز اور بلیچ پولیسٹر کو صاف کرنے میں استعمال ہوتے ہیں ان میں بیکنگ پاؤڈر استعمال ہوتا ہے۔

فوائل:

فوائل میں الیکٹرولائٹس کی خصوصیات ہوتی ہیں جو کپڑوں کے اندر سے مٹی اور دھول کے ساتھ ساتھ داغ دھبوں کو فوری صاف کرنے میں مدد دیتی ہیں اور دوسرا بڑا فائدہ یہ بھی ہے کہ اگر کپڑوں کے دھاگے نرم پڑ جائیں اور دھلائی کی وجہ سے یہ بے رونق ہو رہے ہیں تو فوائل سے ان کے دھاگوں کی نمی ختم ہو جاتی ہے اور پرانے کپڑے بھی نئے جیسے لگتے ہیں۔

المونیم فوائل ڈرائر میں ڈالنے کا فائدہ:

کپڑے سکھانے کے لیے ڈرائر میں المونیم فوائل کی بال ڈالنے سے کپڑے جلد خُشک ہو جائیں گے اور ساتھ ہی ساتھ اگر کسی کپڑے پر کاغذ یا گلے بنانے والی چپس بٗکرم چپک گئی ہوگی تو وہ بھی الگ ہو جائے گی۔