بھکاری بھی جدید ہوگئے ۔۔ گلے میں کیو آر کوڈ لٹکائے بازاروں میں آن لائن بھیک مانگنے والا بھکاری ، یہ طریقہ اس نے کیسے اپنایا؟

مارڈرن زمانہ ہے تو بھکاری بھی جدید ہوگئے ہیں۔ عام طور پر بھکاری ٹریفک سگنلز، بازاروں اور دُکانوں کے آگے کٹوری لیئے بیٹھے ہوتے ہیں یا اپنے ہاتھوں میں پیسے / سکے جمع کرتے ہیں لیکن اب ایک ایسا بھکاری سامنے آیا ہے جو ڈیجیٹل اکاؤنٹ کے ذریعے آن لائن بھیک مانگتا ہے۔
یہ بھکاری اپنے گالے میں کیو آر کوڈ لٹکائے گھومتا ہے جو کہ بھیک مانگنے کا نیا طریقہ ہے۔ مذکورہ آن لائن بھکاری کا تعلق بھارت سے ہے۔
میڈیا رپورٹس کے مطابق بھارتی ریاست بہار کے شہر بیتیاہ کے ریلوے اسٹیشن پر راجو نام کا بھکاری بھیک مانگنے کیلئے جدید طریقہ اپنا رہا ہے اور کیو آر کوڈ کے ذریعے آن لائن بھیک مانگتا ہے جو دیکھنے والوں کیلئے بھی حیرت کا سبب ہے۔
بھارتی میڈیا میں کہا گیا ہے کہ راجو کو لوگ پیسے دینے سے انکار کر دیتے تھے اور ساتھ ہی کُھلا نہ ہونے کا بہانے کرتے تھے جس پر اس نے بینک میں اکاؤنٹ کھول لیا اور اب آن لائن بھیک لیتا ہے۔
رپورٹس کے مطابق راجو گلے میں کیو آر کوڈ ڈال کر گھومتا ہے اور شہریوں سے اسے اسکین کر وا کر آن لائن بھیک لیتا ہے۔
راجو کی ویڈیو سوشل میڈیا پر تیزی سے وائرل ہورہی ہے اور سوشل میڈیا صارفین اسے ڈیجیٹل بھکاری کہہ رہے ہیں۔