صرف پانچ منٹ پانی ابلیں اور ۔۔ پانی ابال کر پینے سے ہم کونسی بڑی بیماریوں سے بچ سکتے ہیں؟ نئی تحقیق نے مشکل آسان کردی

ہم روز مرہ کی زندگی میں جن کھانے پینے کی اشیاء کا استعمال کرتے ہیں ہمیں اس بات کا اندازہ ہی نہیں ہوتا ہے کہ ہمارے جسم میں ان کی وجہ سے متعدد پلاسٹک کے ننھے ذرات چلے جاتے ہیں جس سے ہماری صحت متاثر ہوتی ہے۔

اُن مصنوعات سے پلاسٹک کے بہت باریک ذرات کا اخراج ہوتا ہے جو غذا یا پانی کے ذریعے جسم کے اندر متعدد اعضا تک رسائی حاصل کرتے ہیں۔

مگر حالیہ تحقیق میں بتایا گیا ہے کہ پانی کو ابال کر پینے کی عادت سے اس مسئلے سے بچنے میں مدد مل سکتی ہے۔

جرنل انوائرمنٹل سائنس اینڈ ٹیکنالوجی لیٹرز میں شائع ہونے والی تحقیق میں بتایا گیا کہ محض 5 منٹ ابالنے سے پانی میں پلاسٹک کے ننھے ذرات کی تعداد میں 90 فیصد تک کمی وقع ہوسکتی ہے۔

سائنسدانوں کی جانب سے ابھی یہ جاننے کی کوشش کی جا رہی ہے کہ پلاسٹک کے ننھے ذرات سے صحت کو کن سنگین خطرات کا سامنا ہو سکتا ہے۔

مگر ایسے شواہد مسلسل سامنے آ رہے ہیں جن سے اس بات کا اشارہ ملتا ہے کہ جسم میں پلاسٹک کے ذرات کی تعداد بڑھنے سے تکسیدی تناؤ، ورم، انسولین کی مزاحمت اور جگر کے مسائل کا خطرہ بڑھتا ہے۔

تحقیق میں بتایا گیا کہ پانی کو فلٹر کرنے سے بھی پلاسٹک کے ذرات کو نکالنے میں مدد مل سکتی ہے۔