زخموں کے نشانا ت ختم کرنے کا طریقہ

اکثر اوقات بہت سی وجوہات کی بناء پر جسم پر گہرے زخم ہوجاتے ہیں اور دوائیوں کے استعمال سے ان زخموں کو ختم کیا جاتا ہے مگر زخم ختم ہوجاتے ہیں لیکن نشانات رہ جاتے ہیں جو کہ بہت بُرے لگتے ہیں اور یہ نشانا ت جلد کے ٹشوز کی وجہ سے ہوتے ہیں جو کہ صحیح طرح سے نہیں بڑھتے ۔


ناریل کے تیل کا استعمال :
زخموں کے نشانات کو ختم کرنے کے لئے ناریل کا تیل نہایت مفید ہے ، ناریل کے تیل کا ایک چمچ گرم کرلیں اور اس تیل کو جہاں نشان ہیں وہاں پر لگائیں اور اس عمل کو روزانہ کرتے رہیں ۔


ایلوویرا کا استعمال :
ایلوویرا میں یہ صلاحیت موجود ہے کہ وہ جلد کو نکھار سکے اور زخموں کے نشانات کو جلد کم یا ختم کرسکے، ایلوویرا باآسانی ہر جگہ مل جاتا ہے ، ایلوویرا کی ڈنڈی کاٹ کر جیل نکال لیں اب اس جیل کو جہاں پر نشان ہیں وہاں پر لگائیں اور کچھ دیر مسلیں ۔ اب اسے خشک ہونے دیں اور پھر گرم پانی سے دھولیں ۔ یہ عمل دن میں دو سے تین مرتبہ کریں ۔


لیموں کے جوس کی مدد سے نشانات کا خاتمہ :
لیموں کا جوس صحت مند زندگی گزارنے کے لئے بہت ضروری ہے ۔ اس کے علاوہ اس سے زخموں کے نشانات کو ختم کرنے کا علاج بھی کیاجاتا ہے ۔ لیموں کو کاٹ کر متاثرہ جگہ پر لگائیں اور خشک ہونے دیں پھر پانی سے دھولیں اورکوئی کریم لگالیں اس طرح نشانات جلد کم ہوتے ہیں ۔