SunBurn Ka Asan Gharelu Ilaj

سورج کی تپتی شعاعوں کی وجہ سے چہرے ہاتھ اور پاؤں کی جِلد جھُلس گئی ہے؟ تو بنائیں انہیں پہلے جیسا چمکدار بتائے گئے آسان طریقے سے
گرمی کے موسم میں جہاں ہمیں سورج کی گرمی برداشت کرنی پڑتی ہے وہیں ہماری جلد کا سامنا اس کی تیز شعاعوں سے بھی ہوتا ہے جس سے جلد کی رنگت خراب ہوتی ہے اور یہ جھلس جاتی ہے۔
اس کی وجہ سے ہمارے چہرے ہاتھ اور پاؤں دو رنگ کے ہوجاتے ہیں جو بہت ہی خراب لگتے ہیں ایسے میں خواتین ہوں یا مرد سب ہی پریشان ہو جاتے ہیں کہ آخر اب اس دو رنگ والی جلد سے کیسے چھٹکارا پائیں، آج ہم آپ کو بتا رہے ہیں اس کا آسان اور گھریلو طریقہ تو چلیں پھر جان لیتے ہیں طریقہ۔

سن برن کا آسان اور گھریلو حل
گرمیوں میں چہرا ہاتھ اور پاؤں جو سورج کی تیز شعاؤں سے متاثر ہوتے ہیں اور رنگ خراب ہو جاتا ہے، اس کے لیے بالائی والی دہی آدھا کپ، خالص ہلدی ایک چائے کا چمچ اور اتنا آٹا ملائیں کہ یہ پیسٹ کی شکل اختیار کر لے اسے چہرے گردن، ہاتھوں اور پیروں پر لگائیں آدھے گھنٹے بعد مساج کرتے ہوئے اسے مل کر اتار لیں اور ٹھنڈے پانی سے دھو لیں۔ دو، تین گھنٹے بعد صابن استعمال کرنا چاہیں تو کر لیں فوراً صابن استعمال نہ کریں، جلد نکھر کر صاف اور چمک دار ہو جائے گی۔