Kharab Sehat ki 5 Alamat

خراب صحت کی پانچ علامات
ہم اکثر اپنی صحت کے حوالے سے درپیش معمولی مسائل کو اہمیت نہیں دیتے اور انہیں مستقل نظر انداز کرتے رہتے ہیں اور خود کو صحت مند تصور کرتے ہیں- لیکن حقیقت میں یہ چھوٹی چھوٹی علامتیں آپ کو کسی بڑے مرض سے محفوظ رکھنے کا سبب بن سکتی ہیں- ایسی ہی چند علامات کے بارے میں آج ہم آپ کو بتائیں گے جو کہ درحقیقت سنگین طبی مسائل کی پیشںگوئی کر رہی ہوتی ہیں-

پیشاب کی رنگت
پیشاب کی رنگت ہماری عام صحت کے بارے میں آگاہی ایک بہترین ذریعہ ہوتی ہے- رنگت تقریباً شفاف ہونے کا مطلب ہے کہ آپ کے جسم میں پانی کی مناسب مقدار میں ہو تو اس کی ہوتی ہے، لیکن اگر اس کی رنگت زیادہ زرد یا پیلی ہے تو یہ گردوں کے مسائل کی جانب اشارہ ہے۔

زیادہ ٹھنڈ محسوس ہونا
زیادہ سردی کا لگنا یا محسوس ہونا اس بات کی جانب اشارہ کرتا ہے کہ آپ کے جسمانی دفاعی نظام کو طبی مسائل سامنا ہے۔ ایسا تب بھی ہوتا ہے جب وٹامن سی کی کمی ہو یا پھر کسی وائرس کے حملہ- ایسی صورت میں ایک خون کے ٹیسٹ کے ذریعے خود کو مسائل سے قبل از وقت بچاسکتے ہیں-

پھٹے ہوئے ہونٹ
پھٹے ہوئے ہونٹ خاص طور پر کناروں پر سے ظاہر کرتے ہیں کہ آپ وٹامن B12 کی کمی ہے کا شکار ہیں- اس وٹامن کی کمی کے شکار افراد کو متعدد طبی مسائل کا سامنا کرنا پڑسکتا ہے- اس وٹامن کی کمی کو قبل از وقت پورا کر کے آپ خود کو کئی بیماریوں سے محفوظ رکھ سکتے ہیں-

معمول کی نیند سے محرومی
اگر آپ کے بے خوابی کا شکار ہیں تو یہ جسم اور ذہن کے تناﺅ کا شکار ہونے کی علامت ہے، جب ہم سوتے ہیں تو ہمارا جسم تناﺅ کا سبب بننے والے ہارمون کورٹیسول کی شرح کو کم کردیتا ہے، مگر جب ہم تناﺅ کا شکار ہوتے ہیں تو ایسا نہیں ہوتا اور بے خوابی کی شکایت پیدا ہوتی ہے جو کہ متعدد امراض کا سبب بن سکتا ہے۔

جلد کے مسائل
اکثر جلد میں خارش یا کسی اور مسئلے کا مطلب یہ ہے کہ یہ کسی الرجی کا ردعمل ہے- یہ تب بھی ہوتا ہے جب آپ بہت زیادہ تناﺅ کا شکار ہوتے ہیں- ایسے میں پرسکون رہنے کی ضرورت ہوتی ہے-