Kely Me Mojood Phloem Bundles Ke Fawaid

پھل انسان کی صحت کے لیے مفید ہوتے ہیں اور ہر انسان کو کوئی نہ کوئی پھل ضرور پسند ہوتا ہے۔ جیسا کہ کیلا یہ پھل غذائیت سے بھرپور ہوتا ہے اور ہر موسم میں رہتا ہے۔ اس کا ملک شیک بھی شوق سے پیا جاتا ہے جبکہ اس سے وزن بھی آسانی سے بڑھ جاتا ہے جس کی وجہ سے یہ کمزور جسم والے افراد کے لیے نہایت مفید ہے۔ لیکن آپ نے کبھی غور کیا ہے کہ کیلے میں اکثر تار نما ایک چیز ہمیں نظر آتی ہے جس کو ہم چھلکے کے ساتھ اتار لیتے ہیں۔
لیکن اس تار کے فوائد جاننے کے بعد آپ یقیناً اس کو پھینکیں گے نہیں اور اس کا استعمال یقینی بنالیں گے۔
* دراصل یہ تار نما چیز فلوم بنڈلز کہلاتی ہیں جو کہ ایک ٹشو ہوتا ہے جو ہر پودے میں موجود ہوتا ہے۔ اس کا کام پھل تک تمام نیوٹریشن پہنچانا ہوتا ہے۔
* اس میں وٹامن اے، وٹامن بی 6 ، فائبر اور پوٹاشیم کی وافر مقدار پائی جاتی ہے اور یہ تار ایک رگ کی طرح کام کرتا ہے اور پھل کو اس کی ضروریات کی تمام چیزیں فراہم کرتی ہے۔ یہ کیلے کو مزیدار اور بڑھنے میں کافی مددگار ثابت ہوتا ہے۔
* اس لیے آپ جب بھی کیلا کھائیں تو اس تار کو بھی ضرور کھائیں تاکہ آپ کو زیادہ غذائیت ملے اور اگر آپ کیلا نہیں کھاتے تو اس کو اپنی غذا کا حصہ ضرور بنائیں۔